Ursel Meyer-Wolf

Ursel Meyer-Wolf (* 27. April 1944 in Barrien; † 6. Mai 2020 in Weyhe) weer en plattdüütsche Schrieversche. Se hett in Weyhe in Neddersassen wahnt un weer rund um Bremen to as plattdüütsche Schrieversche togange. Vun 1975 af an hett se Vertellen, Höörspelen un Leeder schreven un de ok süms unner de Lüde brocht, wenn se de denn vörlesen dee. In dat Johr 1990 hett se, tohopen mit Heinrich Schmidt-Barrien, den Kulturpries vun den Landkreis Deefholt kregen un 2013 för ehr Höörspeel Dreihmusik den Hans-Henning-Holm-Pries. Dissen Pries harr se ok 1988 al maal kregen för dat Höörspeel De Mond passt op di op.

Warken

Korte Vertellen

• Us Mudder. (1975)
• Dat weer so wat as Heimweh.
• Kennt ji Adelheid?
• Wat een Hümpel.
• De Fischer un sien Fro.

Vertellen

• Buten in de Marsch

Höörspelen

• Düsse eene Nacht. 1978 (RB/NDR)
• Jeder hett so sien‘ Droom. 1979 (RB/NDR)
• Vörbikieken. 1980 (RB/NDR), Nordd. Blinden-Hörbücherei
• Met de Tiet. 1981 (RB/NDR)
• Un sönnobends kummt Besöök. 1982 (RB/NDR)
• De Anfang. 1983 (RB/NDR)
• Seelenzoppen. 1987/1996 (RB/NDR)
• De Mond paßt op di op. 1988 (RB/NDR)
  • 1989/1996 WDR, Produktschoon up Mönsterlannsch
  • 1990 SWF/Freiburg,Produktschoon up Alemannisch
• Sien Lüüd. 1993 (RB/NDR)
• För een Ei un een Botterbrot. 1997 (RB/NDR)
• Dreihmusik. 2006 (WDR)
  • 2006 WDR, Produktschoon up Mönsterlannsch

Böker

• Över't platte Land. Niederdeutsche Lieder. Weyhe 1987, 60 S., 23 mit Noten
• Met de Tiet. Hörspeele to'n Lesen. (9 Höörspelen), WM-Verlag Weyhe 2007, 264 S.; ISBN 978-3-9807444-8-5

To hören un to sehn

• Heh, du. (LP/MC), Polydor, Hamborg 1979
• Plattdütsche Leeder. (LP mit Fiede Kay), Polydor, Hamborg 1982
• ... op’n Lannen. (LP/MC), Weyhe 1984
• allerhand Vörlesen un Lederavenden in de Landkreisen Deefholt un Veern, in Bremen un Hamborg
• faken in’t Feernsehn uptreden (ARD/SR, ZDF, N3) un bi’n Rundfunk wat vertellt (RB)

Utteknungen

• 1988 Höörspeelpries för dat Höörspeel „De Mond passt op di op“
• 1990 Kulturpries vun den Landkreis Deefholt
• 2005 Hans-Henning-Holm-Pries för dat Höörspeel „Dreihmusik“
• 2007 1. Pries „Regional Höörspeel“ bi de Zonser Höörspeeldage för dat Höörspeel „Dreihmusik“

Literatur

• Ewald Christophers: Ursel Meyer-Wolf, ein niederdeutsches Multitalent. In: Heinrich Schmidt-Barrien: De Vagelfänger. (Rutg.: Landkreis Diepholz), Heide 1990

Kiek ook bi

• List vun plattdüütschen Schrieverschen

Weblenken

• Ursel Meyer-Wolf in de Datenbank Die niederdeutsche Literatur (hoogdüütsch)