Völklingen

Völklingen is en an de Saar liggend Middelstadt mit 39.374 Inwahner (Stand: 31. Dezember 2018) up en Flach van 67,07 km². Se is nah Saarbrücken de tweetgröttste Stadt in den Regionalverband Saarbrücken un, wenn man nah de Inwahnertall geiht, de veertgröttste Stadt van dat Saarland.

De Stadt weer un is stark dör de Montanindustrie präägt. Se is Sitt van de Saarstahl AG. Wiethen bekannt is Völklingen dör dat Weltkulturarv Völklinger Hütte. De Völklinger Hütte is weltwiet dat eenzige Iesenwark un de Blöötetiet van de Industrialisierung, dat vullständig erhollen is. Siet 1994 tellt dat tp dat UNESCO-Weltkulturarv.

Eerste oorkundliche Erwähnungen

Völklingen wurr an’n 27. Oktober 822 as „Fulcolingas“ (afleit van den germaansch Roopnaam Fulko, neehochdüütsch Volko) eerstmals in en Oorkunn van den Durandis, den Viezkanzler van Ludwig de Fromme nömmt. De Bau van de Völklinger Kark St. Martin fallt noch in de Karolingertiet un betüügt de Funktschoon van den Oort as zentraal Karkplatz. En tweet Dokument van’n 14. April 999 överleefert, dat Kaiser Otto III. dat Goot Fulquelinga tosommen mit de Borg Saarbrücken un den Warndt den Bischop Adalbero II. van Metz to Lehen geev, de wedderum de Grafen van den ünneren Saargo dormit belehn dee.

Literatur

• Hans Peter Buchleitner: Vom Königshof zur Hüttenstadt, Völklingen 1950.
• Joachim Conrad (Hrsg.): Wiege einer Stadt, Forschungen zur Martinskirche im Alten Brühl von Völklingen, Saarbrücken 2010.

Weblinks

Völklingen. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Website van Völklingen
• Literatur över Völklingen in de Saarländischen Bibliographie
• Völklingen im Wandel – Lokalnachrichten aus und Informationen über Völklingen von Andreas Hell (CDU)