Vörlaag:Hööftsiet/utwählt Artikel dissen Maand/2012-05
De Immen (Apiformes) sünd en Ornen ut de Insekten, de tallrieke Familien ümfaat. De meisten Lüüd verstaht ünner Immen de bekanntste Oort, neemlich de Westliche Honnigimm, man dat is blots een vun negen Orden vun Honnigimmen, de dat över de hele Welt verdeelt geven deit. Weltwiet gifft dat ruchweg verschedene 20.000 Orden vun Immen, warrt annahmen, dorvun sünd üm un bi 700 Orden in Europa tohuus. Woans de Immen mit annere Ornen verwandt sünd, is noch nich recht kloor. Jemehr Ünnerdelen in verschedene Familien geiht aver vör allen na de Oort vun jemehr Mundwarktüüch vör sik. De Honnigimm höört to’n Bispeel to de Apidae, en vun de groten Familien, to de ünner annern ok de Holtimmen, Wöpsenimmen un Hummeln rekent warrt. Nehren doot sik Immen vör allen vun’n Nektar.