Valentin Friderich

Valentin Friderich (* vör 1600; † 1640) weer en  Festungsboer, de ut Dettelbach in Ünnerfranken stammen dee.

Leven

Friderich keem an’n 24. September 1600 dat eerste Maal in schriftliche Oorkunnen vör, as he dat Börgerrecht von Basel kregen hett. Dor is he in dat sülve Johr in de Spinnwetternzunft opnahmen worrn is un denn as Discher arbeiden dee. Von 1613 bet 1618 hett he von de Berner Regerung Opdrääg för Befestigungswarken in dat bernsche Aargau (Lenzburg, Königsfelden un Schenkenberg) kregen, de aver blots deelwies utföhrt worrn sünd. Üm 1618 is he in’n Deenst von Graaf Mansfeld treden, keem aver na en poor Johr wedder na Bern trügg un is 1623 för Reparaturarbeiden na Payerne in de Waadt schickt worrn. 1624 harr he de Opsicht över Instandstellarbeiden an Festungen in dat Aargau (ünner annern Schlössli Aarau). Ok de Entwürf för de Festungsbowarken för Aarburg, Wangen an der Aare un den Pass Col de la Givrine bi Saint-Cergue sünd von em.

Literatur

• Carl Brun: Schweizerisches Künstler−Lexikon. Verlag Huber und Co. Frauenfeld, 1905, Bd. 1, S. 494 f.
• Georges Grosjean: Der Plan der Stadt Bern und des Bermgartenwaldes von 1623, in: Jahresbericht der Geographischen Gesellschaft von Bern 45 (1959), S. 21–31 ([1])
• Stefan Hess und Wolfgang Loescher: Möbel in Basel, Basel 2012.
• Paul Hofer: Die Wehrbauten Berns, Bern 1953
• Paul Kölner: Geschichte der Spinnwetternzunft zu Basel und ihrer Handwerke, Basel 1931.
• Walther Merz: Die Lenzburg, Aarau 1904, S. 94.