Vanessa Gusmeroli (* 19. September 1978 in Annecy) is en ehmalge franzöösch Ieskunstlöperin, de in’t Eenzel antreeden is.

Gusmeroli, de sück ok en goot Waterskifohrerin weer (Viez-Europameesterin 1991), wurr in de Johren 2000 bi 2002 franzöösch Meesterin in’n Ieskunstloop. Vun 1996 bit 2002 hett se an Ieskunstloop-Europameesterschapen deelnommen. Hör best Ergevnis weer dorbi de veerte Platz bi de Europameesterschap 2000 in Wien achter de dree Russinnen Irina Eduardowna Sluzkaja, Marija Wiktorowna Butyrskaja un Wiktorija Jewgenjewna Woltschkowa.

Vun 1996 bit 2001 nehm Gusmeroli ok an Ieskunstloop-Weltmeesterschapen deel. Bi de Weltmeesterschap 1997 in Lausanne fier se mit den Gewinn vun de Bronzemedaille achter de beid US-Amerikanerinnen Tara Lipinski un Michelle Kwan hör gröttsten Spood.

Gusmeroli hett ok tweemal an Olympisch Winterspelen deelnommen. 1998 in Nagano keem se up den sössten Platz un 2002 in Salt Lake City reck dat blots för Platz 16.

Nah den Olympisch Spelen hett Gusmeroli 2002 hör aktiv Loopbahn afslooten. Se arbeit as Offizelle bi de Internatschonale Iesloopunion.

Weblinks ännern