Varrel (Landkreis Cuxhoben)
Varrel is en Dörp in de Gemeen Mittelsnohn in’n Landkreis Cuxhoben, Neddersassen.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 6,83 km² | |
| Inwahners: | 151 (31. Dezember 2009) | |
| Inwahnerdicht: | 22,1 Inwahners pro km² | |
| Postleettall: | 21770 | |
| Vörwahl: | 04773 | |
| Geograafsche Laag: | Koordinaten:53° 41′ N, 9° 3′ O53° 41′ N, 9° 3′ O | |
 | ||
|
| ||
.png)
Geografie ännern
In’n Noordwesten von dat Dörp liggt de Balksee. Bi Varrel hebbt de beiden Beken Bornbeek un Varreler Beek jemehr Born. De Beken doot all beid in’n Balksee münnen.
De Naveröörd sünd Bröckelbeek un Westersood in’n Noordoosten, Heeßel in’n Oosten, Nordahn in’n Süden, Eekhoffsbarg un Sankt Joost in’n Westen un Boomoor un Süderbusch in’n Noordwesten.
Historie ännern
In’n Eersten Weltkrieg sünd söss Soldaten ut Varrel fullen oder vermisst un in’n Tweten Weltkrieg ölven[1].
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Mittelsnohn in’n Kanton Loomst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Loomst in’n Kanton Bremervöör.
Vör 1859 weer Mittelsnohn in de Vaagdie Loomst von dat Amt Bremervöör un denn von 1859 bet 1885 in dat Amt Oosten. Von 1885 bet 1932 is dat an’n Kreis Neehuus kamen un 1932 an’n Kreis Land Hadeln. 1977 is de Oort Deel von’n Landkreis Cuxhoben worrn.
Varrel is an’n 1. Juli 1972 bi de Gemeenreform in Neddersassen mit de Gemeen Mittelsnohn tohoopleggt worrn.
Inwahnertall ännern
| Johr | Inwahners |
|---|---|
| 1791[2] | 10 Füürsteden |
| 1824[3] | 10 Füürsteden |
| 1848[4] | 56 Lüüd, 14 Hüüs |
| 1. Dezember 1871[5] | 90 Lüüd, 18 Hüüs |
| 1. Dezember 1885[6] | 105 Lüüd, 23 Hüüs |
| 1. Dezember 1905[7] | 109 Lüüd, 19 Hüüs |
| 1. Dezember 1910[8] | 107 |
| 1925[9] | 122 |
| 1933[9] | 134 |
| 1939[9] | 126 |
| 31. Dezember 2009[10] | 151 |
Religion ännern
Varrel is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Wapen ännern
Dat Wapen von Varrel wiest op roden Grund över en sülvern Findling en sülvern Linnenbladd.
De Findling wiest den historischen Varlsteen, an den fröher Gericht hollen worrn is. Dat Linnenbladd is Sinnbild för en Gerichtslinn.
Kultur ännern
En Denkmaal för de Fullenen ut de twee Weltkrieg’ ut Varrel steiht bi’n Karkhoff.
Verenen ännern
De Schüttenvereen Varrel is 1904 grünnt worrn.
Weertschop un Infrastruktur ännern
Verkehr ännern
Varrel liggt an de Kreisstraat 29, de in’n Noorden na Bröckelbeek un Westersood un in’n Süden na Nordahn un Mittelsnohn an de Landsstraat 116 ran. En lüttjere Straat geiht ans in’n Oosten na de K 21 ran, de in’n Süüdwesten na Loomst löppt. Na Westen un Noordwesten to is de Oort dör de Mooren rund üm’n Balksee von’n Verkehr ganz afsperrt.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 32 Kilometer in’n Süüdwesten von Varrel an de L 120.
De nächste Bahnhoff is de Bahnhoff Hemmoor an de Nedderelvbahn von Cuxhoben na Hamborg.
Footnoten ännern
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 233
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 616
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://boerde-lamstedt.der-norden.de/rathaus/zahlen.html
Weblenken ännern
Varrel (Landkreis Cuxhoben). Mehr Biller, Videos oder Audiodateien to’t Thema gifft dat bi Wikimedia Commons.