Veer Schatten vun de Studeerstuuv

De Veer Schatten vun de Studeerstuuv (chineesch 文房四寶 / 文房四宝, wén fáng sì bǎo) weern de veer Saken, de studeerte Lüüd in't traditschonelle China bruukt hebbt, üm to Malen un to Schrieven. Dat sünd

• Schrievpinsel (筆 / 笔, bǐ): disse Pinsel warrt ut Deertenhoren maakt. De Spitz is besünners smiedig.
• Stickblack (墨, mò): Dree Saken warrt tomehrst bruukt, üm dat Black hertostellen: Sott vun Pinien, Öl un Lack.
• Blacksteen (硯 / 砚, yàn): Dat Black warrt in Sticken presst. Op den Blacksteen warrt disse Sticken denn mit Water reven, bet een de Klöör hett, de een hebben will. De Steen hett en feine Böversiet, sünst warrt dat Black nich fein noog reven un sünst maakt dat ok den Pinsel twei.
• Papier (紙 / 纸, zhĭ): Dat beröhmteste chineessch Papier is Xuanzhi. Dat warrt vun Hand maakt un kann dat Black goot opsugen. Un dat is för de Chineessche Kalligrafie und Malerei heel wichtig.

Allens in een Kasten

• 
  twee Schrievpinsel
• 
  So warrt de Schrievpinsel holen
• 
  Blacksteen mit Stickblack un Water
• 
  Kalligraf bit Folen vun't Papier