Vespasian
Vespasian (* 17. November 9 in Falacrina; † 23. Juni 79 in Aquae Cutiliae) weer van 1. Juli 69 bit 23. Juni 79 Kaiser vun Rom. He weer de letzte Kaiser van dat Veerkaiserjohr. He hett dat Imperium tosommenhollen, worbi ok sien Charakter bidragen hett, wat hüm düütlich positiv van sien Vörgängers Caligula oder Nero afhoben hett. 51 n. Chr. weer he as Suffektkunsel to'n eersten Mol röömschen Kunsel wurrn. „Richtigen“ Kunsel is he to'n eersten Mol 70 n. Chr. wurrn. Dor weer he al Kaiser.
Caesar Vespasianus Augustus, fröher Naam Titus Flavius Vespasianus, weer de eerste röömsche Kaiser ut de flavische Dynastie. Mit Vespasian keem een Mann up de Thron, de wegen sien tolerant un weltopen Oort een Utnahm in disse Positschoon dorstellen de. Während sien teinjahrig Heerschop hett he dat henkregen, dat dat Riek politisch un finanziell stabil wurrn is. He gellt as een van de bedüüdenst Kaisers un man stellt hüm in een Rieg mit Augustus un Trajan.