Victor Ambros
Victor R. Ambros (* 1. Dezember 1953 in Hanover, New Hampshire[1][2]) is en US-amerikaansch Bioloog un Perfesser för Molekulare Medizin an de University of Massachusetts Medical School. Hüm wurr 2024 gemeensam mit Gary Bruce Ruvkun de Nobelpries för Physiologie oder Medizin tospraaken.
Leven
ännernAmbros is in Hartland, Vermont,[3] upwussen. 1975 kreeg he en Bachelor in Biologie an dat Massachusetts Institute of Technology (MIT) in Cambridge, Massachusetts, un 1979 ok dor bi David Baltimore en Ph.D. in Biologie mit en Arbeit över de Genetik vun dat Poliovirus. As Postdoktorand bleev he an dat MIT un hett mit Gary Ruvkun in dat Labor vun Howard Robert Horvitz arbeit.[1][3] En eerste Professur kreeg Ambros 1985 an de Harvard University in Cambridge, Massachusetts, bevör he 1992 to dat Dartmouth College wesseln dee. 2008 wessel he an de University of Massachusetts Medical School in Worcester, Massachusetts.
Wirken
ännernAmbros un sien Arbeitsgrupp hemm 1993 över de eerste microRNA (en Genprodukt vun lin-4) bericht, de en wichtige Rull in de Entwicklung vun den Fadenworm Caenorhabditis elegans speelt. Later wurr klar, dat nichtkodierende Ribonukleinsüeren vun disse Klass ok bi höhgeren Organismen vörkommen un en wichtig Rull bi de Genregulatschoon spelen.[1] Aktuelle Arbeiten vun Ambros befaaten sück mit den micro-RNA-vermittelten Regulatschonen in de Entwicklung vun Deerten (dorünner Fruchtfleegen[2]) un bi verscheeden minschlich Krankheiten.[4]
Utteknungen (Utwahl)
ännern- 2004 Rosenstiel Award[5]
- 2006 Genetics Society of America Medal
- 2007 Liddmaat in de National Academy of Sciences[1]
- 2008 Gairdner Foundation International Award[6]
- 2008 Benjamin Franklin Medal[2]
- 2008 Albert Lasker Award for Basic Medical Research zusammen mit David Baulcombe un Gary Bruce Ruvkun
- 2009 Louisa-Gross-Horwitz-Pries[4]
- 2009 Dickson Prize in Medicine[7]
- 2009 Massry-Preis[8]
- 2011 Liddmaat vun de American Academy of Arts and Sciences
- 2012 Dr. Paul Janssen Award for Biomedical Research (gemeinsam mit Gary Ruvkun)[9]
- 2013 Keio Medical Science Prize[10]
- 2014 Wolf-Pries in Medizin
- 2014 Gruber-Pries för Genetik
- 2015 Breakthrough Prize in Life Sciences
- 2016 March of Dimes Prize in Developmental Biology
- 2024 Nobelpries för Physiologie oder Medizin
Weblinks
ännern
- Victor Ambros un Levensloop (PDF; 392 kB; Stand März 2023) bi umassmed.edu
Enkeld Nahwiesen
ännern- ↑ a b c d National Academy of Sciences Taps Dartmouth Geneticist Victor Ambros. Geisel School of Medicine, 1. Mai 2007, afropen an’n 30. Mai 2023 (engelsch).
- ↑ a b c Victor R. Ambros, Ph.D. bi fi.edu; afropen an’n 23. Januar 2016.
- ↑ a b Victor Ambros Biography bei umass.edu;afropen an’n 14. November 2010
- ↑ a b 2010–2001 Awardees. In: columbia.edu. Afropen an’n 13. September 2023 (engelsch).
- ↑ Past Winners – Rosenstiel Award – Rosenstiel Basic Medical Sciences Research Center – Brandeis University. In: brandeis.edu. Afropen an’n 23. Januar 2016 (engelsch).
- ↑ Victor Ambros PhD bi de Gairdner Foundation (gairdner.org); afropen an’n 15. Dezember 2012
- ↑ 2009 Dickson Prize Winner: Victor R. Ambros, PhD bi dicksonprize.pitt.edu; afropen an’n 14. November 2010
- ↑ Massry Prize Winners (1996–present) up usc.edu; afropen an’n 21. Mai 2019.
- ↑ Dr. Paul Janssen Award for Biomedical Research Winners (pauljanssenaward.com); afropen an‘n 21. Mai 2019.
- ↑ The 2013 Keio Medical Science Prize Awardees. Keio Medical Science Prize, afropen an’n 6. Februar 2023 (engelsch).