Victoria Principal

Victoria Principal (* as Concettina Ree Principale 3. Januar 1950 Fukuoka, Japan) is en US-amerikaansche Schauspelersche, Produzentin un Schrieversche.

Victoria Principal, 1987

Leven un Wark

Principal is de öllere vun twee Döchter vun den US-amerikaanschen Air Force-Sergeant Victor Principal un sien Fro Bertha Ree Veal. Ehr Afstammen is en Mischen vun italieensch, engelsch un philippinsch. Ehr Vadder is faken an verschedene Öörd insett worrn, dorüm is Principal ok in verschedene Städer groot worrn. Ünner annern is se in London, Florida, Puerto Rico, Massachusetts un Georgia opwossen. Miet fief Johren hett se dat eerste mol in en Warfspot mitspeelt un dor den eersten Kuntakt mit de Schauspeleree hatt.

Wiel ehr Highschool-Tiet is se Fotomodell worrn. Mit 19 Johren is se as „Miss Miami“ wählt worrn. Dorna is se na New York City gahn un hett dor as Mannequin un Schauspelersche arbeit. Een Johr later, 1970, hett se för’t Playboy-Magazin poseert.

In’t Johr 1972 harr Principal ehr eerste Filmrull in den Speelfilm The Life and Times of Judge Roy Bean vun John Huston. Se speel dor in de Siet vun Paul Newman un Anthony Perkins un weer glieks för den Golden Globe vörslahn. 1973 speel se en Naaktszeen in den Film The Naked Ape. Een Johr later harr se mit ehr Rull in Earthquake ehrn Dörbrook. Na wietere lütte Rullen speel se vun 1978 bit 1987 „Pamela Barnes Ewing“ in de US-amerikaanschen Feernsehreeg Dallas.

Anfang vun de 1980er Johren weer se en Tiet lang mit Andy Gibb tosamen. 1985 hett se den bekannten Schönheitschirurg Harry Glassman heiraat. De Eh is 2006 scheedt worrn.

Filmografie (Utwahl)

Johr	Titel	Synchroonsnacker
1972	The Life and Times of Judge Roy Bean dt.: Das war Roy Bean
1973	The Naked Ape
1974	Earthquake dt.: Erdbeben	Joseline Gassen
1976	I Will… I Will… For Now dt.: Ich will, ich will… vielleicht?	Dagmar Heller
1976	Vigilante Force dt.: Das Gesetz sind wir	Beate Menner
1980	Pleasure Palace, Feernsehn dt.: Alles oder nichts
1982	Not Just Another Affair, Feernsehn dt.: Auf einmal ist es Liebe	Beate Menner (Synchro 1985)
1978-87	Dallas, Feernsehreeg	Beate Menner
1987	Mistress, Feernsehn
1989	Naked Lie, Feernsehn dt.: Nackte Lügen	Beate Menner
1989	Blind Witness, Feernsehn dt.: Blinde Zeugin	Beate Menner (Synchro 1991)
1990	Sparks: The Price of Passion, Feernsehn dt.: Der Preis der Leidenschaft	Simone Brahmann (Synchro 1994)
1991	Don’t Touch My Daughter, Feernsehn dt.: Das Gesetz der Angst	Beate Menner
1992	The Burden of Proof, Feernsehn dt.: Unter der Last der Beweise	Andrea L’Arronge
1993	River of Rage: The Taking of Maggie Keene, Feernsehn dt.: Atemlose Flucht	Beate Menner
1995	Dancing in the Dark, Feernsehn dt.: Glaub mir!	Beate Menner
1996	The Abduction, Feernsehn dt.: Entführung aus Leidenschaft	Evelyn Maron
1997	Love in Another Town, Feernsehn dt.: Verliebt in einen jüngeren Mann	Beate Menner
1998	Michael Kael contre la World News Company dt.: Michael Kael – Live aus Katango	Beate Menner
2000-01	Titans, Feernsehreeg dt.: Titans – Dynastie der Intrigen	Beate Menner

Utteken

Principal hett bit hüüt noch keen Filmpriesen wunnen, man se weer fiefmol nomineert, dorünner tweemol för den Golden Globe. Dat eerste mol weer se 1973 in de Kategorie Veelversprekenst Nawasschauspelersche vörslahn, dat tweete mol 1983 in de Kategorie Best Serien-Hööftdorstellerin – Drama för ehr Rull in Dallas.

Weblenken

Victoria Principal. Mehr Biller, Videos oder Audiodateien to’t Thema gifft dat bi Wikimedia Commons.

• Victoria Principal in de Internet Movie Database (engelsch)
• Offizielle Websted (engelsch)