Visoh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 24′ N, 9° 13′ O53° 24′ N, 9° 13′ O | |
|
| ||
Visoh (hoochdüütsch Visoh) is en lütten Oort in de Gemeen Deins (Samtgemeen Sürsen) in’n Landkreis Rodenborg, Neddersassen.
Geografie ännern
De Oort liggt op de Zevener Geest. Dat Water ut dat Rebeed warrt över en Graven na’n Duxbeek hen afföhrt.
De Naveröörd sünd Löh in’n Noorden, Deins in’n Noordoosten, Rohr mit’n Hoff Rugenbarg in’n Süüdoosten, Stüh un Parnwinkel in’n Süden, Hütten un Ochenhusen in’n Süüdwesten un Bockhorst in’n Noordwesten.
Historie ännern
Visoh is üm 1820 rüm grünnt worrn.
Verwaltungsgeschicht ännern
De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.
De Oort hett al jümmer bi de Gemeen Deins mit bihöört, de an’n 1. März 1974 mit de Gemeenreform in Neddersassen noch grötter worrn is.
Inwahnertall ännern
| Johr | Inwahners |
|---|---|
| 1. Dezember 1905[1] | 33 Lüüd, 4 Hüüs |
Religion ännern
Visoh is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur ännern
För Visoh is de freewillige Füürwehr Deins mit tostännig.
Verkehr ännern
De lüttje Straat dör Visoh is an de Kreisstraat 108 anbunnen, de in’n Noordoosten över Deins, Malst un Byhusen na Kutenhult geiht un in’n Westen in de Bundsstraat 71 münnt. De B 71 löppt in’n Süüdoosten över Sürsen un Zeven na Rodenborg un in’n Noordwesten över Bevern na Bremervöör.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so 24 Kilometer in’n Süüdoosten von Visoh an de L 131.
De nächste Bahnhoff is so bi teihn Kilometer wied weg in’n Noorden de Bahnhoff Heesdörp an de Bahnlien Bremerhoben–Buxthu. Von 1908 bet 1968 hett dat ok Personenverkehr op de Bahnlien Bremervöör–Wasra geven. De Bahnhoff Deins an düsse Bahnlien leeg twee Kilometer in’n Westen.
Footnoten ännern
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 22