De Voß-un-Haas-Klenner is en Klenner för Mekelnborg de jedet Johr bi Hinstörp rutkummt. He is 1864 as Großherzoglich Mecklenburg-Schwerinscher und Mecklenburg-Strelitzscher Kalender toeerst rutkamen, hett äver bi de Lüüd gau den Naam Voß un Haas kregen, denn op de Klennerbiller weren de Voss un de Haas op. Vun 1918 af an is he denn ok ünner dennen Naam rutkamen. 1942 weer de letzte Utgaav. Na’n Krieg hebbt se versöcht, den Klenner noch wedder ruttogeven, äver dor is nix vun worrn. Eerst 1995 is wedder en Utgaav rutgeven worrn, de Voß un Haas op dat Johr 1996.

Hüdigendaags is de Klenner to’n gröttsten Deel op Plattdüütsch un hett veel plattdüütsche Geschichten un annern Kraam. Ok Harald Ringsdörp hett al för den Voß un Haas schreven.

Litertur ännern

  • „Voß un Haas“. Vom mecklenburgischen Volkskalender zur niederdeutschen Anthologie. In: Quickborn. Zeitschrift für plattdeutsche Sprache und Literatur 94,2 (2004), S. 65-70