Volker Mosblech
Volker Mosblech (* 10. Januar 1955 in Duisborg; † 26. April 2024[1]) weer en düütsch Politiker vun de CDU. Van 2015 bit 2017 weer he Liddmaat vun den Düütschen Bundsdag.
Utbillen un Berop ännern
Nah sien Abitur 1976 fung Volker Mosblech en Studium vun de Wertschapswetenschapen an de Universität Duisburg un de Rechtswetenschapen an de Universität Bonn an. He weer van 1976 bit 1982 un van 1983 bit 1986 Warkstudent bi de Niederrheinischen Gas- und Wasserwerken Duisburg. As Lektor vun den Sinusverlag in Krefeld weer he van 1986 bit 1987 anstellt un wieder as free Mitarbeiter dor van 1988 bit 1992 beschäftigt. Mosblech hett van 1989 bit 2000 as Hööftvertreder vun de Victoria Versicherungen AG arbeit, siet 2001 weer he Hööftvertreder vun de D.A.S. Versicherungen AG.
Politik ännern
Volker Mosblech weer siet 1972 Liddmaat vun de CDU. He weer van 1976 bit 1979 Vörsitter vun den JU-Oortsverband Duisburg-Hamborn un Vörsitter vun den JU-Kreisverband Duisburg van 1987 bit 1989. Van 1978 bit 1987 weer he stellvertredend Vörsitter vun den JU-Bezirk Rheinisches Ruhrgebiet. Mosblech weer siet 1993 stellvertredend Vörsitter vun den CDU-Kreisverband Duisburg un siet 1997 Vörsitter vun den CDU-Ortsverband Duisburg-Alt-Hamborn. 1989 wurr he Vörsitter vun de Ost- und Mitteldeutschen Vereinigung (OMV) vun den CDU-Kreisverband Duisburg. Van 1991 bit 2002 un af 2004 weer Mosblech stellvertredend Vörsitter vun den OMV-Landesverband NRW. Van 1989 bit 1994 weer he Liddmaat vun de Bezirksvertreden Duisburg-Hamborn. Siet 1994 weer he Liddmaat vun den Raat vun de Stadt Duisburg, toletzt as Tweet Börgermeester.[2]
Volker Mosblech weer Liddmaat vun den Landdag Noordrhien-Westfalen in de 13. Wahlperiood, in den he an’n 6. September 2004 nahrücken un den he bit to’n 2. Juni 2005 anhörrn dee. Nah den Dood vun Philipp Mißfelder is he an’n 20. Juli 2015 in den Düütschen Bundsdag nahrückt.[3][4] Bi de Bundsdagswahl 2017 kunn he aber kien Mandat halen.
Weblinks ännern
Enkeld Nahwiesen ännern
- ↑ WAZ.de: Duisburg trauert um Bürgermeister Volker Mosblech (CDU). 26. April 2024, afropen an’n 26. April 2024.
- ↑ Bürgermeister Volker Mosblech (Memento von’n 14. Juli 2015 in dat Internet Archive)
- ↑ NRZ.de: Volker Mosblech zieht nach Tod von Phillip Mißfelder in Bundestag ein
- ↑ Volker Mosblech im Bundestag (Memento von’n 23. September 2015 in dat Internet Archive)