Volker Strübing
Volker Strübing (* 1971 in Sondershausen) is en hoochdüütschen Schriever un Ledermaker.
Strübing hett Fackarbeider för Datenverarbeidung lehrt. He leevt sied 1978 in Berlin. Anfungen künstlerisch to arbeiden hett he mit dat Programmeren von Musik för Computerspelen op’n C64. 1990 hett he tohoop mit Tobias Herre un Uwe Beneke för de Firma Blue Byte dat Speel Atomino utklamüsert.[1] An’n 4. Juli 1996 hett he tohoop mit Tube (Tobias Herre), Spider (Andreas Kenzke), Uwe Beneke, Sabine Mylius, Andre Lange, Klaus Schwarz un Gunar Klemm de Berliner Lesebühne LSD - Liebe statt Drogen grünnt. Von 2000 bet 2008 weer he bi de Berliner Lesebühne Chaussee der Enthusiasten mit dorbi. An’n 9. September 2000 hett he denn tohoop mit Dan Richter de Lesebühne Kantinenlesen grünnt.[2]
Sied 2004 steit he sülvst oder as Team LSD (tohoop mit Michael Ebeling) fakener bi Poetry Slams op de Bühn.[3] He maakt veel korte, satiersche Texten, de vör allen för dat Vörlesen schreven warrt.
Priesen
ännernIn’n Oktober 2005 hett Strübing den Slam2005 in Leipzig wunnen. Sien Roman Das Paradies am Rande der Stadt hett bi’n Düütschen Science-Fiction-Pries 2006 den tweten Platz in de Kategorie Best Roman kregen.
In’n November 2006 hett he tohoop mit Michael Ebeling („michaEbeling“) as Team LSD den Teamwettstried bi’n Slam2006 in München wunnen. Bi’n Nawuss-Kabarettisten-Wettstried Stuttgarter Besen weer he 2008 de Drüdde.
Warken
ännern- Das Paradies am Rande der Stadt. yedermann, Riemerling bei München 2005, ISBN 3-935269-30-7
- Ein Ziegelstein für Dörte. Voland & Quist, Dresden/Leipzig 2007, ISBN 978-3-938424-23-0
Weblenken
ännern
- Volker Strübing sien Websteed (hoochdüütsch)
- Strübing sien YouTube-Kanaal, ünner annern mit de Kloß-&-Spinne-Reeg (hoochdüütsch)
Footnoten
ännern- ↑ Vierer am Rand, Der Spiegel, Nummer 4/1991, S. 194–195
- ↑ Falko Hennig: Geschichte der Lesebühnen
- ↑ Christoph Schlegel: Dichten als Kampfsport. Der Spiegel, Nummer 3/2007, S. 138–140