Waitangi (Northland)
Waitangi is en Oortsdeel vun de niegseelannschen Stadt Paihia un liggt in de Region Northland in de Neegde vun de Bay of Islands. Waitangi un Paihia hebbt tosamen 7250 Inwahners. De mehrsten Lüüd leevt vun den Tourismus, blots en poor köönt noch vun Fischfang un Bootbo leven.
| Waitangi | |
|---|---|
 | |
| Inwahners: | 7250 (mit Paihia) |
| Region: | Northland |
| Distrikt: | Far North |
In Waitangi hebbt hebbt Vertreders vun de britsche Kroon un Anföhrers vun de Maori an'n 6. Februor 1840 tosamen den Verdrag vun Waitangi ratifizeert. För de Zeremonie harrn se en provisoorsch Telt op dat Grundstück vun James Busby sien Huus opstellt. Dör dissen Verdrag wurr Niegseeland offiziell en britsche Kolonie un so gellt disse Verdrag as dat Grünnungsdokment vun dat moderne Niegseeland. De 6. Februor is as Waitangi Day Natschonalfierdag worrn.