Walter Keiffenheim

Walter Keiffenheim (* 2. Oktober 1860; † 6. Juni 1937 in Düsseldörp) weer en düütschen Jurist.

Keiffenheim is 1860 boren un hett Juristeree studeert.[1] He weer Referendar in’n Bezirk von dat Oberlandsgericht Köln un hett dor 1890 sien tweet Staatsexamen maakt.[1] Ok sien Dr. jur. hett he in disse Tied maakt.[1] An’n 26. März 1890 kunn he as Gerichtsassesser anfangen.[1] An’n 5. Juni 1895 is he Amtsrichter bi dat Amtsgericht Sulzbach worrn, an’n 1. Februar 1900 bi dat Amtsgericht Kleve un an’n 1. Juli 1904 Landrichter bi dat Landgericht Kleve.[1] An’n 15. Mai 1905 is he dor Landgerichtsraad worrn.[1]

An’n 4. Mai 1907 is Keiffenheim ls Oberlandsgerichtsraad an dat Oberlandsgericht Düsseldörp wesselt un hett dor 1916 den Charakter von en Gehemen Justizraad kregen.[1] An’n 4. Juni 1917 is he Präsident von dat Landgericht Stood worrn.[1] Von dor is he to’n 1. Mai 1924 as Präsident an dat Landgericht Wiesbaden versett worrn.[1] De Interallieerte Hoge Utschuss för de Rhienlannen harr bi dat Insetten von ne’e Richters aver wat mittosnacken.[1] De Utschuss hett en halv Johr bruukt, bet he sien Amt antreden dröff.[1] Keiffenheim hett dit Amt bet to’n 31. März 1928 behollen un is denn in Rohstand versett worrn.[1] He hett in’n Rohstand toeerst wieder in Wiesbaden leevt, is na en Schicksalsslag aver na Kaiserswerth (Düsseldörp) tagen.[1] 1937 is he in Düsseldörp doodbleven.[1]

FootnotenÄnnern

  1. a b c d e f g h i j k l m n Biografie op de Websteed von dat Landgericht Wiesbaden