Hauptmenü öffnen

Walter Ruppel (* 17. April 1927 in Hamborg; † 22. Dezember 2016 ok dor) weer en düütschen Schauspeler, Theaterschriever un ehmalger Intendant vun dat Ohnsorg-Theater.

He hett eerst bi dat Theater im Zimmer arbeit un denn an’t Thalia Theater, wat he denn tosommen mit Peter Striebeck bit 1985 för en Tiet vun twee Johr leidt hett. He weer aber ok Intendant in Regensborg un Bremerhoben. Vun 1985 (oder 1986) bit 1994 weer he denn Intendant vun dat Ohnsorg-Theater.

Ruppel hett dat Ohnsorg-Theater wieder nah vörn brocht, indem he ok weer klassisch Stücke upnehmen de un de Speelbaas Ilo von Jankó haalt hett, de ganz begeistert vun de Schauspeler weer, de nich so völ diskuteeren deen. Ruppel is mit dat Theater aber ok in’t Utland gahn (Tokio, New York). Dorbi kunn Ruppel noch nich eenmal plattdüütsch snacken.

Wiels he gesundheetlich anslahn weer, muß he vör de Tiet torüchtreden.