Wapen vun Burundi

Dat Wapen vun Burundi is 1966 in Bruuk, as in dat Land Burundi de Monarchie stört un de Republiek utropen worrn is.

Dat Wapen vun Burundi

Beschrieven

De Mitt vun dat Wapen warrt vun en roden Wapenschild mit goldenen Rand innahmen, op den de Kopp vun en Löven afbillt is. Achter den Schild staht dree traditschonelle afrikaansche Speren överkrüüz mit de Spitzen na baven.

Ünner den Schild winnt sik vör de Ennen vun de Speren en Schriftrull oder Spröökband, woneem in franzöösche Spraak de Wahlspröök vun Burundi opsteiht: „Unité, Travail, Progrès“ (op plattdüütsch: Eenigkeit, Arbeit, Vörankamen)

Literatur

• Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1