Hauptmenü öffnen

Werner Zirngibl (* 4. September 1956 in München) is en ehmalger düütsch Tennisspeler. He weer 14 Mal düütsch Meester un speel för Düütschland in’t Davis Cup.

Zirngibl fung 1975 mit Profitennis an. Sien eenzig Sieg bi en Grand-Prix-Turnier gelung hüm an’ 12. Juni 1978 in Brüssel, as he tegen de Argentinier Ricardo Cano in veer Satzen wunn. Sien hööchste Platzeerung in de Weltrangliste harr he mit Rang 97 in’ November 1976. Dörför keem he bi dat Turnier in Barcelona in dat Achtelfinale.

Mehr Spood harr he as Düppelspeler: 1978 keem he mit verscheeden Partners bi fiev Turnieren in’t Veertelfinale. An de Siet vun Andreas Maurer is he in’ April 1979 in Monte Carlo eerst in dat Halffinale utscheeden.

Dree Week vördem, an’ 17. März 1979, hett Zirngibl in Augsborg dat eenzig Davis-Cup-Speel in sien Karriere bestreeden. In de Veertelfinalbegegnung vun de Europazone hett he tosommen mit sien Düppelpartner Ulrich Pinner dat israeelsch Düppel Shlomo Glickstein/Meir Wertheimer in veer Satzen slahn.

Hüüd arbeit Zirngibl in München as Orthopäde un Sportmediziner.

WeblenkenÄnnern