West Highland White Terrier
| West Highland White Terrier | |
|---|---|
| |
| FCI - Standard Nr. 85 | |
| Oorsprungsland | Grootbritannien |
| Klassifikation FCI |
|
| Rassenaam nah FCI | West Highland White Terrier) |
| Anner Naams | Witt Hochlandterrier, „Westie“ |
| Schufthööcht | ca. 28 cm |
| Gewicht | 8 bit 10 kg |
| List vun de Hunnenrassen | |
De West Highland White Terrier, umgangsspraaklich Westie nömmt, is en vun de FCI anerkannt britisch Hunnenrass (FCI-Grupp 3, Sektion 2, Standard Nr. 85).
Herkamen un Historie
ännernDe eersten Liens vun de West Highland White Terrier wurr de Familie Malcolm in Poltalloch in Argyllshire toschreeven. Colonel Malcom wurrd allgemeen as Grünner vun disse Rass ansehn un he hett hör ok de Naam „West Highland White Terrier“ geven.
Up Biller vun de Deertenmaler Edwin Landseer ut dat Johr 1839 sünd all West Highland White Terrier to kennen.. In‘ Januar 1905 wurr de eerste „West Highland White Terrier Club“ in Schottland mit de Duke of Argyll as Ehrenpräsidenten un Colonel Malcolm of Potalloch as Präsidenten grünnd, um de Tucht vun disse Rass to. Noch bit 1924 kunnen witt Welpen ut Cairn-Terrier-Worfen as West Highland White Terrier indragen wurrn. De Rassestandard, upstellt in dat Johr 1905, hett sück meest nich verännert, woll aver dat butere Utsehen.
Beschrieven
ännern
West Highland White Terrier hebbt witt, dicht, wellig „düppelt“ Fell, vun hör Herkunft her weerfast. Bi en Grött bit to 28 cm söllt se en Gewicht vun 8 bit to 10 kg erreichen. De Rute sall 12,5 bit 15 cm lang ween un uprecht dragen weern. De Ohren sünd lütt, staht uprecht un nicht o wiet utnanner.
Disse Hunnen wurrn oorsprünglich för de Jagd in den Highlands tücht. An hör witt Fell kunn man se licht tüschen Felsen un Gestrüpp erkennen. Dorto keem, dat de West Highland White Terrier en toie, wedderstandsfähig Terrier weer, de ahn völ Angst in Voss- un Dachsbo ringung. Vun hör schottsch Heimat her is de Rasse an ruuch Weer weehnt, in de Sömmerhitt könnt de Hunnen aver Probleem kriegen.
Anners Wat
ännernDe West Highland White Terrier is in de 1990er-Johren in Düütschland – dör de Warf bedingt – to’n Modehund wurrn- Um de hooch Nahfraag nah disse Rass to bedeenen, hett dat eenig Tüchter an Sorgfalt bi Utwahl und Sundheit vun de Tuchtdeerten fehlen laaten.
Hunnen vun disse Rass sullen regelmaatig trimmt wurrn. West Highland White Terriers hooren nich: Dat afstorven Deckhoor fallt nich vun sülvst rut, aber moot utzuppt weern (mit de Fingers oder en „Trimmmest“). Je mehr man dat regelmaatig maken deiht (all 10 bit 12 Week) desto beter kummt sien düppelt Hoorkleed to Gelten.
De Hunnenrass weer ok dat Wappendeert vun de Schottsch Bahnbedrievswark in Eastfield (Glasgow), eenig Lokomotiven harrn en Bildnis vun den Hund up den Lokkasten.
Rassespezifisch Erkrankungen
ännernDe Cranio-mandibuläre Osteopathie is en bin Jungdeerten uptreden, bannig pienhaftig Knakenkrankheit vun den Schädel. Af un to kummt dat bi West Highland White Terrier to Knieschievluxation: utslahn Kneeschievlagerung bewarkt ünnerscheedlich Lahmheit. Buterdem treden Allergien, Kiefermissbildungen un Levererkrankungen as ok Probleem mit de Teehn (In- un Överbiss) up.
Weblenken
ännern
West Highland White Terrier. Mehr Biller, Videos oder Audiodateien to’t Thema gifft dat bi Wikimedia Commons.