Whiskah
De Whiskah weern en Indianerstamm in’ Süüdwesten vun de hüüdig US-Bundsstaat Washington. Kulturell hörrn se to de Küsten-Salish.
Mögelkerwies weern se spraaklich mit de Lower Chehalis verwandt un stunnen in eng verwandschaplich Beziehungen to de Wynoochee.
De Whiskah weern nich bi de Vedräg bedeeligt, de dat Territorium Washington siet 1854 mit tallriek Stammen afslooten hett. 1874 hebbt se, folgt man den Bericht vun de tostännig Agenten H. D. Gibson an den Commissioner of Indian Affairs van 28. September, to en vun de beid Indianeragenturen namens „Chehalis“ und „Shoal Water Bay“ hörrt. To disse Agenturen, de in de Tostännigkeitsberiek vun de Agenten fullen, hörrten de verdragslosen Stammen vun de Chehalis, Shoal Water Bay, Hokeum, „Humptalups“, Chinook, Cowlitz un „Klickatat“. Nah sien Angaben hannel sück da tut en fröheren Tellen um 1.434 Minschen, he hull de Tall aber för överdreben. Do för Nichtverdragsreservate rechtlich kien Grundstücksvergaav vörsehn weer, behulp sück de Agent mit de vörlööpig Utgaav vun Parzellen, de angeblich ok verarvt wurrn kunnen.
De Shoalwater Bay Reservation weer an’ 22. September 1866 inricht wurrn un weer 340 Acre groot. Gibson weer för dat Uplösen un Umsiedlung vun de dortig Gruppen in de Puyallup Reservatschoon. He weer in disse Region för de Reservate vun de Puyallup, Nisqually, Chehalis un Squaxin tostännig, för de vun de Tulalip, Port Madison, Swinomish, un Lummi weer sien Kolleg Chirouse tostännig.
Völfach wurrn disse Gruppen pauschal as „Grays Harbor Indians“ betekend. Een vun de namens Chinoise reiste in de 80er Johren nah Oakville, um düütlich to maken, dat de Indianer, de nich umtrecken wullen, immer noch en Reservat wünschten.
Wannehr sück de Stamm der Whiskah endgültig uplöst hett, kann man to Tiet nich faststellen.
Literatur
ännern- Robert H. Ruby/John A. Brown: A Guide to the Indian Tribes of the Pacific Northwest, University of Oklahoma Press 1992, S. 268.