Wiemen
Stang för de Höhner op to sitten
De Wiemen (ok Wiem oder Höhnerrick) is en Staken ut Holt in’n Höhnerstall, op den de Höhner sitten köönt.
Dat Sitten op’n Wiemen höört to dat natürliche Verhollen von dat Hohn. Besünners wenn dat düüster is. Wille Höhner verbringt de Nacht in Bööm oder Büsch, wo se vör Rövers beter schuult sünd as an’e Eer. De Wiemen mutt dorüm so dick ween, dat dat Hohn em mit siene Krallen goot fasthollen kann. Dat sünd so veer bet fiev Zentimeter.
In Seggwiesen kummt de Wiemen ok vör. Wenn Lüüd in een Reeg sitt, denn warrt seggt: Se sitt dor as de Höhner op’n Wiemen. Un wenn een froh na Bett geiht, denn warrt seggt: He geiht mit de Höhner op’n Wiemen.