Wegewinne

(wiederwiest vun Wiewinne)

De Wegewinne (Convolvulus arvensis) is en mehrjöhrige Plant ut de Familie vun de Winnen. Se kümmt vör up Grasland, Boland, langs de Wege un up Dünen. Unner de Eer wasst en dicht Wuddelwarks. Dor kaamt jummers wedder nee Spraten vun tostanne, ok, wenn de Plant över de Eer utreten warrt. De Stengels winnt sik gegen den Wieser vun de Klock um Saken hen. Ofschoonst de Blomen smuck an to kieken sünd, will numms jem geern up'n Acker hebben, vunwegen datt de Wegewinne an Kulturplanten hoochklimmen deit un düsse bi dat Wassen stöört. Wenn dat för de Plant goot steiht, bruukt de Wegewinne bloß man 1,5 Stunnen, bit de Toppen vun en Spraat 3 cm in'n Krink wussen sünd.

Wegewinne, Klimmup, Slengelkruut
Pisspottje, Düvelsdarm
Düvels Neihgaarn, Fallkruut
Wegewinne
Systematik
Ornen: Solanales
Familie: Winnenplanten (Convolvulaceae)
Geslecht: Winnen (Convolvulus)
Wetenschoplich Naam
Convolvulus arvensis
(Linnaeus)

De Blöte is rosa oder witt un hett an de Butenkant wat düstere Striepen. De Döörsnitt vun de Blöte is vun 1,5 cm bit 3 cm groot. De Blöte besteiht ut fiev Kroonblöer mit en rund Enn. Se röökt goot. Een bit dree Blöten bleiht an en langen Stengel. In de Midden vun den Stengel sitt twee Blöer an. Bleihen doot de Wegewinnen vun Juni bit to'n Harfst. Dat Veeh mag de Planten ganz geern freten.

Wo de Wegewinne mit dör'annersmeten weern kann ännern

In'n Tuun gifft dat hüdigendags faken de Rickelwinn. De sütt meist akraat so ut, as de Wegewinne, bloß dat se man wat gröttere Blöten hett. De sünd ok witt un nich rosa.

Wo de Wegewinne vörkummt ännern

Fröher hett dat de Wegewinne bloß man in Europa geven. Hüdigendags is se meist in all Länner vun'e Welt insleept wurrn.

Plattdüütsche Naams ännern

In de plattdüütschen Gemarken hett düsse Plant ganz verschedene Naams:

  • Wegewinne, Wewinne, Wehewind
  • Pisspottje
  • Klimmup
  • Düvels Neihgaarn
  • Düvelsdarm
  • Slengelkruut
  • Fallbloom


Kiek ok bi ännern

Weblenken ännern

  Wegewinne. Mehr Biller, Videos oder Audiodateien to’t Thema gifft dat bi Wikimedia Commons.