Wikipedia:Spennen

De Wikimedia Foundation is ene Organisatschoon, de de fre'e Enzyklopädie Wikipedia un vele wiedere Projekte mit fre'e Inholten bedrifft, as Wiktionary, Wikiquote, Wikibooks, Wikinews, Wikisource un Wikimedia Commons (de mesten Projekten in plattdüütsche Spraak hebbt noch nich start).

Woans dien Spenn hülpt

All uns Websteden sünd free vun Warf. Elkeen kann alle Inholten ahn Kosten lesen, bearbeiden un annerswo wiederbruken. Finanzeern vun disse Projekten hangt dorüm vullstännig vun Spennen af. Dat sünnerlich grote Wassdom vun uns Inholten un de Togriepstallen dorop foddert en kontinuerlichen Utbo vun de technische Infrastruktur. Wiedere Kosten entstahn dör dat överdragene Datenvolumen, de Hüer för dat Rekenzentrum, Domäänregistreern un Stütten vun spezifische Software-Entwicklungsopgaven un mannichmal ok Reiskosten.

De Wikimedia Foundation bruukt ok Stütt, üm ehr Pioneerarbeid bi dat meenschapliche Erstellen vun Inholten wiedergahn to laten. Elk Spenn dregt dorto bi.

Spennen an de Wikimedia Foundation

Denk doran, dat för Spennen an de Wikimedia Foundation kene „Zuwendungsbestätigungen“ (Quitteren vun Spennen) utstellt warrn köönt. Wenn du dien Spenn in Düütschland stüerlich gelten maken wullst, denn spenn an de Wikimedia Deutschland (nerrn).

Du kannst ok im Internet över PayPal oder MoneyBookers spennen. De Kontoname ist bede maal donation@wikipedia.org. Bi MoneyBookers sünd de Geböhren mehrst lütter as bi PayPal.

Du kannst ok mit de Post Spennen direkt an de Wikimedia Foundation sennen:

Wikimedia Foundation Inc.

204 37th Ave N, #330

St. Petersburg, FL 33704

Senn keen Geld un kene Wessel oder Schecks, de nich op en Bank in de USA utstellt sünd, vun wegen dat dat mehr as 50 $ Geböhr kosten deit, de intolösen. In de USA uttallbore internatschonale Postanwiesen sünd in vele Länner bi en Postamt mööglich und stellt seker, dat dien ganze Spenn an Wikimedia geiht.

Spennen an de Wikimedia Deutschland

De Vereen Wikimedia Deutschland – Gesellschaft zur Förderung Freien Wissens e.V. is de düütsche (hoochdüütsche) Sektschoon vun de Wikimedia Foundation un gillt as „besonders förderungswürdig“ (sünnerlich weert, stütt to warrn). Se hett dormit dat Recht, „Zuwendungsbestätigungen“ uttostellen. De Spennen köönt in Düütschland stüerlich gelten maakt warrn..

Wenn du an Wikimedia Deutschland spennen wullst, denn överwies dien Spenn an dit Konto. Giff as Verwendungszweck Spende an, wenn du en „Zuwendungsbestätigung“ bruukst, dien vulle Adress an. Wiedere Informatschonen (op hoochdüütsch) gifft dat op de Steed vun de Wikimedia Deutschland.

Kontoinhebber: Wikimedia Deutschland e.V.

Bank für Sozialwirtschaft, Berlin

Konto 3287300

Bankleitzahl 10020500

BIC: BFSWDE31BER

IBAN DE05 1002 0500 0003 2873 00