Naslagen ännern

In de Wikipedia as ene Enzyklopädie schallst Saken naslagen könen. Dat Naslagen is ganz licht. Wenn du Wikipedia opropen hest, denn kannst den Begreep, to den du wat weten willst, links in dat Textfeld för de Söök ingeven. Dat Feld süht so ut:

Wenn du dor nu ‚Plattdüütsch‘ rinschriffst un denn op ‚Los‘ klickst oder de Tast ‚Enter‘ op de Tastatur drückst, denn kummst du glieks to’n Artikel Plattdüütsch. Wenn wi mal to en Begreep kenen Artikel hebbt, denn fangt de Software dat Söken in all unse Artikels an un wiest di, ob se dor den Begreep bi funnen hett. Disse kumplette Söök kannst ok glieks maken, wenn du nich op ‚Los‘ klickst, sünnern op ‚Söken‘.

Mitünner kann dat angahn, dat du nich seker büst, woans en Woort schreven warrt. Wenn du den Anfang vun dat Woort weest, denn helpt di villicht de Kumplettlist vun Artikels, op de de Artikels alphabeetsch wiest warrt. Een Henwies: Naams vun Personen warrt in de Form „Vörnaam Tonaam“ schreven, nich as „Tonaam, Vörnaam“.

Wenn du gor nich weest, woans de Begreep heet, den du söchst, oder wenn du eenfach to en speziell Thema en beten Smökern müchst, denn kannst ok över Kategorien söken. Vun de Hööftkategorie ut kannst du di to de enkelten Themen dörklicken. Jede Kategorie sammelt de Artikels to en speziell Thema oder to en speziellen Typ vun Saken. Bispeel: Kategorie:Vörnaam mit all de Artikels to Vörnaams.

Noch en annern Weg, sik över en speziell Thema slau to maken, sünd de Portalsieden. Portalsieden sünd en Instieg in en bestimmtet Thema un wiest di, wat för di villicht intressant is, wenn du di för Plattdüütsch intresseerst oder ok för dat Land Uganda. Ene Översicht över de Portalsieden steih ünner Portal:Wikipedia na Themen.