Wilfried Hasselmann
Wilfried Hasselmann (* 23. Juli 1924 in Celle; † 9. Januar 2003 in Nienhof) weer en düütsch Politiker vun de CDU.
Leven un Berop
ännernWilfried Hasselmann stamm ut en Buernfamilie, hett denn eerst de Böverschool besöcht und dornah en Utbildung up de landwertschaplich Fackschool in Celle absolveert. Ünnerbroken dör sien Deenst in de Tweete Weltkrieg, hett he denn up frömde Höff arbeit un 1955 sien Meesterafsluss makt. 1955 hett he de Hoff vun sien Öllern övernommen un bi de Bundswehr hett he dorto en Loopbahn as Reserveoffizier inslahn un dat bit to’n Oberst der Reserve (1981) brocht.
Vun 1962 bit 1969 weer he Bundsvörsitter vun de Landjöögd un tietwies ok Lidmaat vun de Landssynode vun de evangelsch-lutherisch Landskark Hannober.
Hasselmann weer verheiradt un harr twee Söhn. Sien Unkel weer de Landwertschapsfunktschonär Edmund Rehwinkel.
Partei
ännernHasselmann is 1961 in de CDU intreden. Siet 1969 weer he Lidmaat vun de Bundsvörstand un van 1968 bit 1990 weer he Landsvörsitter vun de CDU in Neddersassen.
Afordneter
ännernHasselmann weer van 1963 bit 1994 Lidmaat vun de neddersassisch Landdag un dor van 1970 bit 1976 Vörsitter vun de CDU-Fraktschoon. Se wulln hüm 1974 ok to’n Ministerpräsident wählen, aber de SPD-Kandidat Alfred Kubel kreeg mit Hülp (un Stimmen) vun de FDP de Posten.
Apenlich Ämter
ännernVan 1965 bit 1970 weer he Minister för Nähren, Landwertschap un Forsten in Neddersassen un van 1976 bit 1988 weer he Minister för Bundsangelegenheiten un Binnenminister vun Neddersassen un weer ok en Tiet lang stellvertredend Ministerpräsident.