Wilhelm Beer
Wilhelm Wolff Beer (* 14. Januar 1797 in Berlin, † 27. März 1850 in Berlin) weer en düütsch Banker un Amateurastronom. He weer en Bröer vun de Komponist Giacomo Meyerbeer.
Leven ännern
An’ 14. Januar 1797 wurr Wilhelm Beer in Berlin als Söhn vun Jakob Herz Beer und Amalie Beer geboren. Nah dat Ennen vun sein Schoolutbilden an dat Joachimsthalsches Gymnasium in Berlin is he 1813 in de Kavallerie intreden un all en Johr later nehm he vun 1814 bit 1815 an de Befreiuungskriege dee un hett dorbi ok sien Offzeerspatent kregen.
Dornah is he in dat Geschäft vun sein Vader intreden un hett 1818 Doris Schlesinger heiraadt, mit de he dree Kinner harr. 1824 hett he Bakanntschap makt mit Johann Heinrich Mädler. Nahdem sien Vader 1825 storven weer, wurr Beer Verwalter vun dat Arv. 1828 kreeg he dat Berliner Börgerrecht un wurr Lidmaat vun de Kooperatschon vun de Berliner Koopmannschap un Lidmaat vun de Direktschoon vun dat Luisenstift.
As Amateurastronom hett Beer in de Johren van 1830 bit 1840 besünners Arbeit leist. För de Erstellen vun en genauen Maandkoort hett he völ Ehr inheimst, dorünner de Ernennen to’n Ridder vun de Danebrogs, de Lalandsche Pries un de Golden Medaile för Kunst un Wetenschap.
Beer wurr denn Direkter vun de Potsdam-Leipziger Iesenbahn-Sellschap. In de Folgejohren weer Beer Direkter oder Liddmaat vun Upsichtsgremien vun tallriek Iesenbahnsellschapen. 1838 wurr he Liddmaat vun de Armenkommission vun de Jödsche Gemeeend in Berlin un ok de Ernennen to’n Ridder vun de Wasa-Oorden. Ofschoons Beer un Mädler 1840 en Wark över dat Sünnsystem rutgeven hebbt (Fragment sur les corps célestes du système solaire), hett he aber 1841 aflehnt as Beropsastronom nah Paris un Pulkovo to gahn. 1844 fung he an, as Publizist för Zeitungen to schrieven (Spenersche Zeitung un Vossische Zeitung). In dat glieker Johr is he aber ok in den Adelsstand dör den Herzog der Toskana hoben wurrn. Beer hett in disse Tiet ok ideell Unnerstööt för den Central-Verein für das Wohl der arbeitenden Klassen und die Berliner gemeinnützige Baugesellschaft leist. As ehrenamtlich Stadtrat in Berlin hett he 1848 die Flugschrift Das Vereinigte Deutschland mit Erhaltung der Selbständigkeit deutscher Stämme verapenlicht. Twee Johr later, nah sien Wahl 1849 as Afordnter vun de 1. Kammer vun dat preußisch Parlament is he an’ 27. März 1850 nahdem he all mehr Week krank weer, storven. He is up de Jöödschen Karkhoff Schönauser Allee in Berlin begraben wurrn.
Astronomie ännern
Bekannt wurrn is Beer dör sien Leistungen ass Amateurastronom. He hett 1829 en prvat Steernwacht in’n Berliner Tiergarten, wat mit en Refraktor mit 9,5 cm Öffnung utstatt weer, inricht. Tosommen mit de Astronom Johann Heinrich Mädler hett he in de Johren 1834 bit 1836 en genaue Maandkoort (Mappa Selenographica) rutgeven. 1837 folg en Maandbeschrieven (Der Mond nach seinen kosmischen und individuellen Verhältnissen). Över völ Johren bleven de Warken de best Dorstellungen vun de Maand. Beer un Mädler hebbt 1830 de eerste systemaatsche Dorstellung vun de Böverflach vun de Planet Mars anhand vun en Marsglobus vörstellt. 1840 hebbt de bei en detailliert Marskoort upstellt un hebbt dorto de Rotatschonsperiood vun Mars mit 24 Stünn, 37 Minüten, 22,7 Sekunnen up 0,1 Sekunn genau berekent. Man hett woll ok dorüm den Krater up den Mars nah Beer nömmt.
1835 hett Beer de Umloopbahnen vun verscheeden Maanden vun de Planet Saturn berekent.
Ökonomie, Publizistik, soziales un politisches Engagement ännern
Wilhelm Wolff Beer weer en bannig völsiedig interesseert un engageerten Minsch. Neben sien astronoomsch Tätigkeiten hett he sük ok intensiv an de Upbo wun’t Iesenbahnwesen in Düütschland bedeeligt. Ok in de jööfsche Gemeend hett he sück engageert un Ämter övernommen. In sien letzt Levensjohren hett he sück as Publizist politisch un ökonomisch Themen widmet, besünners de Finanzwertschap und dat Geldwesen. Kört för sien Dood is he noch to’n Afordnten wählt wurrn.