Wilhelm Friedemann Keferstein
Wilhelm Friedemann August Keferstein (* 7. Februar 1797 in Ilfeld; † 29. August 1859 in Lümborg) weer en düütschen Verwaltungsbeamten.
Keferstein is 1797 in Ilfeld boren.[1] He weer von’n 12. Oktober 1810 bet to’n 19. Dezember 1813 op de Kloosterschool Ilfeld.[1] In’n Dezember 1813 is he in dat hannöversche Jägerkorps ünner Obrist-Leutnant von Beaulieu intreden.[1] In’t Vörjohr 1814 is he denn aver na Ilfeld trüggkamen un weer noch en Tied wedder op de School.[1] Na Dat Studium von de Juristeree is he 1818 Amtsauditer[1] un later Amtsassesser worrn. 1832 hett he den Posten as tweten Beamten in dat Amt Winsen kregen.[1] 1844 is he Amtmann in dat Amt Melle worrn un 1845 in dat Amt Winsen.[1] Dor is he bleven bet he 1857 in Rohstand gahn is.[1]
Keferstein weer 1835 Liddmaat in de Provinzialversammlung Lümborg.