Wilhelm Heinrich Grote
Wilhelm Heinrich Grote (* 8. September 1713 in Jüne; † 2. Juni 1799 in Beers) weer en düütschen Verwaltungsbeamten.
Grote is 1713 as Söhn von Marianne, borene du Faur de Pibrac (1674-21. Januar 1743), un Ernst Joachim Grote (13. Mai 1675-24. Dezember 1741) in Jüne boren. He weer von 1727 bet to’n 20. März 1733 op de Ridderakademie Lümborg.[1] He hett Juristeree studeert un is na dat Studium Auditer bi de Justizkanzlie in Hannover worrn.[2]
He weer von 1742 bet to sien Dood 1799 Amtmann von dat Amt Beers.[2]
Grote hett 1763 dat Good Jüne arvt.[2] 1742 hett he den Deenstrang von en Drost kregen, 1748 von en Oberhauptmann un 1770 von en Landdrost.[3][2] Nadem de Vader von siene Fro, Otto von Wackerbarth, 1785 doodbleven is, hett Grote Good Tüschenbek arvt. Ok dat Good Schneeg hett de Familie tohöört.
He hett an’n 21. Februar 1744 Charlotte Christine von Wackerbarth (üm 1720-1783) freet. De beiden harrn teihn Kinner[2], ünner annern Eleonore Sophie (* 25. Februar 1749), Otto Ulrich (11. Mai 1750-29. März 1808), Heinrich August Friederich (1745-15. November 1816), Ludwig (1751-1824), Marianne (1755-1833), Caroline Marie Christine (1756-1833), Wilhemine (1761-1839) un Henriette (1764-1833).
In Beers driggt vondaag en lüttje Straat den Naam Landdrost-Grote-Straat.[2]
Warken ännern
- Disputatio de titulo Domini de domo St. Michaelis. (mit Johann Ludwig Levin Gebhardi) 1731
Footnoten ännern
- ↑ Arnold von Weyhe-Eimke: Die Aebte des Klosters St. Michaelis zu Lüneburg. Mit besonderer Beziehung auf die Geschichte des Klosters und der Ritterakademie. 1862, Sied 579
- ↑ a b c d e f http://m-v-m.de/wp-content/uploads/heimatblaetter/Heimatblatt_MvM_2006_11.pdf
- ↑ Johann Hinrich Pratje: Vermischte historische Sammlungen. 1845, Band 3, Sied 307