Wilhelm Schorcht (1855–1926)

Wilhelm Schorcht (* 24. Juni 1855 in Horborg; † 1. November 1926) weer en düütschen Verwaltungsbeamten.

Schorcht is 1855 as Söhn von’n Stadtsyndikus Wilhelm Schorcht in Horborg boren. He hett 1875 dat Johanneum in Lümborg afslaten un denn Juristeree studeert. Later weer he Gerichtsassesser un is an’n 6. Juni 1884 Syndikus in Veern worrn.

He is an’n 1. April 1890 as Nafolger von Otto Theodor Münchmeyer Börgermeester von de Stadt Veern worrn. Al kort nadem he dat Amt övernahmen hett, warrt dat Krankenhuus Veern grünnt. To’n 1. Juli 1919 is he in Rohstand gahn.

1919 is he Ehrenbörger von Veern worrn. Na em is vondaag de Börgermeester-Schorcht-Straat in Veern nöömt.

He hett Frida Engel (19. Juni 1855-15. August 1938) freet. He un siene Fro liggt op’n Doomkarkhoff Veern begraven.