Willem Tell
(wiederwiest vun Wilhelm Tell)
Wilhelm Tell is en sagenhaften Swiezer Freeheitskämper un Tyrannenmöörder, de an de Wennen vun dat 13. to dat 14. Johrhunnert in de Binnerswiez leevt hemm sall. Friedrich von Schiller hett nahst en bekannt Böhnenwark över hüm schreven. Siet Enn’ vun dat 19. Johrhunnert is Tell Natschonalheld vun de Swiez.
Entstahn is de Legende, as de Chronist Aegidius Tschudi üm 1570 verscheeden mündlich und schriftlich överleeferte Versionen vun de Tell-Vertellen to en Sage umdicht hett. Dör dat Wark vun Schiller aber ok dör de Historiker Johannes von Müller is dat denn eerst in Europa nahst in de ganze Welt bekannt wurrn.