William Wilson Saunders
William Wilson Saunders (* 4. Juni 1809 in Little London bi Wendover (Buckinghamshire); † 13. September 1879 in Worthington (Leicestershire)) weer en britisch Botaniker, Entomoloog un Lepidopteroloog. Sien offiziell botaansch Autorenkürzel luut „Saunders“.
Sien Vader weer Vikar in Kirtlington in Oxfordshire un Saunders wurr privat ünnerricht un an de Militärakademie vun de East India Company in Addiscombe. Dornah weer he Pionieroffizier un gung 1830 nah Indien. Blots een Johr later kehr he torüch un gung in de Versekerungswertschap tonächst as Mitarbeiter vun sien lateren Schwegervader Joshua Saunders. As de ok weer he Underwriter vun Lloyd’s of London, weer in deren Komitee un in dat Shipping Comittee vun Lloyds. He harr en bedüüdend Insektensammlung (besünners Bottervagels, Huutflögler), de vun Francis Walker un anner Entomologen (Insecta Saundersiana, 1850 bis 1869) beschreeven wurrn. Sien Sammlung enthull tallriek nee Aarten. He sammel ok Planten, beschreeven in Refugium Botanicum (London, 1869 bis 1873) dör Botaniker as Reichenbach un J. G. Baker. Denn folg 1871/72 Mycological Illustrations (mit Worthington G. Smith).
He weer bekannt för sien Gorden in Reigate, wo he af 1857 wahnen dee. In de Wertschapskrise 1873 gung dat mit sien Firma ok bargdaal un he muss sien Sammlungen verkoopen. He truck dornah nah Worthington un hett sück denn mit sien Gorden befaat.
1841/42 un 1856/57 weer he Präsident vun de Royal Entomological Society of London un 1861 bit 1873 Schatzmeester vun de Linnean Society of London, deren Fellow he af 1833 weer. Mehrere Johren weer Saunders Viezpräsident vun de Royal Horticultural Society. Vun hüm stammen rund 35 wetenschaplich Warken.
He weer Fellow vun de Royal Society (1853) un weer dreemal verheiraadt.
Literatur
ännern- Nachruf in Nature, Band 20, 1879, S. 536-537
- Bernard Barham Woodward, in Dictionary of National Biography, wikisource