Williams Christ oder Williamsbeer is de Naam vun en Huusbeer, de af 1904 stark verbreedt worrn is. Man, de Aaftbrannt, de ut ehr maakt warrt, driggt en sülven Naam.

Berensoort Williams Christ
En Beer in de Mitt dörsneden

De öllsten Nawiesen vun de Sort Williams Christ gaht bit ruchweg 1770 na England torüch. Ehrn Naam hett se dorna vun en Minschen mit den Naam Williams ut London, de as een vun de eersten de Beer verdreedt hett. Mitt vun’t 19. Johrhunnert weer de Sort in Belgien bekannter as in England un weer vun dor ut över den belgischen Pomologen van Mons in ganz Europa as ok in Noord- un Süüdamerika verdreedt. In de USA un in Kanada is se ünner den Naam Bartlett bekannt.

De Snaps ännern

Dat sünnere Teken vun den 40%-igen Williams Christ Brand is de Buddel mit de dorbinnen enthollen Beer. Dat Verfohren is vun de Walliser Familie Germanier utklamüstert worrn. Dat se de Beern in de Buddel kriegen deen, hebbt se na de Beerboomblööt de Buddels över de Knospen stülpt. Bi to’n Harvst sünd de Beern denn bit to jemehr vullen Grött in de Buddel ranwassen. Aver, wieldat sik blots en Drüttel vun de Frücht goot entwickeln doot, hebbt enige Herstellers de günstigere Oort wählt, de Buddel an’n Bodden apentosnieden, een riepe Beer rintogeven un den Bodden wedder rantobacken. De Snittsteed warrt denn faken mit en Etikett överkleevt.

Kiek ok ännern