Wittkopp Eik

De Wittkopp is en düütsche Fleeschschaap, de van Waterkant an de Noordsee kummt. De Schaapen hebben en önnigen Rohm un setten goed Fleesch an, ool Bucken weegen bit nar 150 kg, dej Eiken kriegen meest twee Lammer. In Dörschnitt schallen dat 1,7 bit 2,1 in elket Johr weesen. De Lammer könnt al na dreij bit veer Maant schlacht wodden. Dej Schaapen sind hejl witt, dürn aber düster Klauwn und Nösenschliemhuut hebben. Dej Wull is goed um dor ut Teppiche to maaken. För Unnerwaaschke is de Wull to groff, dat jökt as dej mord.

GeschiechtÄnnern

De Wittkopp is in dej Mitte van dej 19. Johrhunnert entstaan. In dej Tied hebben dej Englanners Schlachtveih söcht, sej muchen aber dej düütsche Schaapen nich so gern eeten. Dor sin dennar erst Bucken ut England nar Noorddütschland invört wodden um düsse Bucken up dej dütsche Schaapen uptosetten. Mejst wern dat Cotswold un Leicester, dej hörn in dej Gruppe van dej englische Langwoolschaapen. Dej Schlachtlammer harn gewaltich Fett, watt sej daamols gern hebben wullen, vörndach aber kein een mehr eeten mach. Doorum hebben sej in dej 70er Johrn van dej 20. Johrhunnert in Sleswig-Holsteen anfangen Berries un een paar Texel intokruidsen. In Weser-Ems hebben sej Berries noch bit in dej 90er Johrn wieder inkruidst. Nun dürst Du dat mit Herdbookdeern nich mehr maaken. Dej Wittkopp is vant utstarben bedroht.