Wladimir Wiktorowitsch Aksjonow

Wladimir Wiktorowitsch Aksjonow (russisch: Владимир Викторович Аксёнов}}; * 1. Februar 1935 in Giblizy bi Kassimow, Oblast Rjasan, Russische SFSR; † 9. April 2024) weer en sowjeetsch Kosmonaut.

Aksjonow up en Breefmark (rechts)

De Pilot vun de sowjeetsch Luftstrietkräfte hett Ingenieurwesen an mehreren Hoochscholen studeert. So weer he an de Ingenieurhoochschool ok an de Luftwappenhoochschool un an dat Polytechnische Institut. Sluutend kreeg he as Kandidat vun de technischen Wetenschapen an dat All-Unions-Institut för Polytechnik 1981 den akadeemschen Grad vun en Diplomingenieur.

Ruumfohrertätigkeiten

An' 27. März 1973 wurr Aksjonow dör dat „Zentrale Konstruktschonsbüro vun den Maschinenbau - Branche Fili“ as Kosmonaut utwählt.

Dree Johr later, 1976 nehm he as Bordingenieur an de Floog vun Sojus 22 ünner dat Kommando vun Waleri Fjodorowitsch Bykowski deel. 1980 floog he ebenfalls as Bordingenieur vun de sösste Gastmannschap to de Ruumstatschoon Saljut 6. As Tobringerruumschipp deen Sojus T-2, bi de de Sojus-T to'n eersten Mal bemannt utproovt wurr. Kommandant bi dit Ünnernehmen weer Juri Wassiljewitsch Malyschew. De Ruumstatschooon weer to disse Tiet mit de veerte Langtietbesatten (Saljut 6 EO-4), Leonid Iwanowitsch Popow un Waleri Wiktorowitsch Rjumin bemannt. Malyschew un Aksjonow sünd blots veer Daag an Bord vun Saljut 6 bleeven, bevör se mit Sojus T-2 to de Eer torüchkehren deen.

Nah de aktiv Loopbahn

Nah sien Utscheeden wurr Wladimir Aksjonow Direkter vun en Institut to dat Utforschen vun Boddenschätzen.

Privates

Aksjonow is verheiraadt un hett twee Kinner. He wurr an' 28. September 1976 un an' 16. Juni 1980 ls Held der Sowjetunion uttekent.

Literatur

• Peter Stache: Raumfahrer von A bis Z. Militärverlag der Deutschen Demokratischen Republik, Berlin [Ost] 1988, ISBN 3-327-00527-3.

Weblenken

• spacefacts.de: Körtbiografie
• Körtbiografie mit Bild up peoples.ru (russisch)