Wolbert G.C. Smidt

Wolbert G. C. Smidt is en oostfreesch-düütschen Kulturwetenschopper, Professer för Ethnohistorie an de Mekelle University (Äthiopien), korrespondeerend Liddmaat vun dat Düütsch Archäologisch Institut (DAI) un Forscher an de Forschungsstäe Antikes Süüdarabien un Noordoostafrika vun de Friedrich-Schiller-Universität Jena.

Leven un Forschung

Nah en Schoolbesöök in Paris studeer he bet to de MA-Afsluss Philosophie (Geistesgeschichte), Ethnologie un Völkerrecht in Genf un Berlin, denn afrikaansch Geschicht, Politologie un Äthiopistik in Hamborg, wo he sien Promotschoon to Immanuel Kant un de sien ethnologisch Theorie afsloot.

All wiels dat Studium fung he an ethnologische Feldforschungen, tonächst in Tunesien, un historsch Archivarbeiten to de Geschicht vun de Völker un Regionen in Äthiopien, Eritrea, Djibouti un angrenzend Rebeeden. De Swoorpunkt leeg darbi op de oolt Hochland-Völker vun Tigray (Noordäthiopien).

He weer lang as Lehrer vun de Äthiopistik un Assistant Editor vun de fievbännig Encyclopaedia Aethiopica an dat Hiob-Ludolf-Zentrum för Äthiopistik vun de Universität Hamborg beschäftigt, denn af 2010 Associate Professor in Ethnohistory vun de Mekelle University in Äthiopien. Zietwies weer he Gastperfesser an Universitäten un gradueert-Hoochschoelen ünner ännern in Paris, Rom, Osaka un Warschau. 2019 wurr he in Mekelle to’n Professer nömmt, an dat Department of Anthropology. He is buterdem Forscher an de Forschungsstäe Antikes Süüdarabien un Noordoostafrika vun de Friedrich-Schiller-Universität Jena. In Tosamenarbeit mit dat Düütsch Archäologisch Institut, de sien korrespondeeren Liddmaat he is, arbeit he to kulturell un soziopolitisch Överlieferungen in Tigray (Noordäthiopien), sünners rund üm den antiken Tempel vun Yeha.

As Ethnohistoriker hett he sück verglieken mit to'n Deel ganz verscheeden Völker, mit dat Teel, längerfristige kulturelle Entwicklungen to verstahn, evenso as de Methoden, de Völker entwikkelt hebbt, sück to verwalten un en sozialet Gliekgewicht herstellen, insbesünnere in Regionen, de wenig vun staatliche Kontroll un Feudalismus bedrapen weern. He konzentreert sück op Dörpsiedelungen in dat äthiopisch Hochland, in dat de oolt äthiopisch-semitisch Spraak Tigrinya snackt wurrd, aver ok op kuschitisch Völker, de in Eritrea, Djibouti un in Äthiopien leevt un en hooch Grad soziopolitische Sülvstverwaltung entwikkelt hebbt, insbesünnere dat Nomadenvolk vun de Afar. He hett över tweehunnert wetenschoppliche Artikel publizeert un mehrere Böker.

Forschungen to Oostfreesland

To’n Vergliek hett he sück in Europa ok mit de Freesen befaat, sünnern de Oostfreesen, de ünner ganz anner Umstände ok johrenlang an den Rand vun grote Staaten leevt un meist nich vun’n Feudalismus bedrapen weern. In Publikatschonen hett he sück ünner ännern mit de Freeheit vun friesisch Fruen befaat. He harr as jungen mit Forschungen in dat Rheiderland anfungen.

He hett en Reeg oostfreesch Biographien in’t Biographisch-Bibliographischen Kirchenlexikon (BBKL) un in’t Biographischen Lexikon für Ostfriesland (BLO) verapenlicht, wobi he ünner ännern de Övergang vun de Hoochspraak vun dat Nedderlannsch to’n Düütschen in dat Rheiderland in dat 19. Jahrhunnert thematiseert. Dorto kamen mehrere Arbeiten to dit Naamssystem ut ethnohistorsch Sicht, ünnerstütt vun genealogische Sammlungen.

Familie

De Familie stammt oorsprünglich ut dat Rheiderland. He is en Enkel vun den Admiral Karl Smidt, deren Vadder Preester Reinhard Smidt ut Weener stammen hett. Reinhard Smidt hett umfangriek handschriftliche Chroniken to dat Leven in Oostfreesland un de Familie verfaat un wurr as Liddmaat vun de Bekennend Kark in Holthusen bi Weener en binnerkarklich bekannt Figur in' karklichen Wedderstand gegen de Nazis. Sien Tante is de greeksch-düütsch Publizistin Hilke Stamatiadis-Smidt, de as veel Familienliddmaaten en Naam ut de oostfreesch Traditschoon driggt.

Weblinks

• Homepage von Wolbert Smidt mit Publikationen
• Vörlaag:DNB-Portal