Wolfgang Bittner
Wolfgang Bittner (* 29. Juli 1941 in Gleiwitz) is en düütsch Schriever.
He is af 1946 in Wittmund upwussen un hett dor bit 1966 leevt. Van 1957 bit 1963 hett Bittner bi'd Landkreis Wittmund arbeit'. Dornah hett he bi de Bezirksregeerung in Auerk as Regierungs-Inspektor arbeit'. Van 1966 bit 1970 hett he in Chöttingen un München Juristeree, Philosophie un Soziologie studeert, 1970 dat 1. jur. Staatsexamen, 1972 sien Doktor jur. un 1973 dat 2. jur. Staatsexamen maakt. Denn wer he för körte Tiet Afkaat.
Af 1974 is he freeberoplich Schriever. He hett männich Böker schreven, worin ok Oostfreesland vorkummt, to'n Bispööl de Romaanen Der Aufsteiger oder Ein Versuch zu leben (1978 un 2008), Niemandsland (1992 un 2000), Hellers allmähliche Heimkehr (2012) un Die Heimat, der Krieg und der Goldene Westen (2019).