Wulmsdörpermoor

Oort in’n Landkreis Horborg, Neddersassen

Wulmsdörpermoor (hoochdüütsch Wulmstorfermoor) weer en lütten Oort in de hüdige Gemeen Vosshusen in’n Landkreis Horborg, Neddersassen.

Geografie ännern

De Oort leeg in dat Randmoor von de Masch an de Elv, nich wied af von de Geestkant. Na Noorden to liggt Oolland. Delen von dat Rebeed sünd vondaag as Naturschuulrebeed Moor bi Buxthu schuult. Dat Water ut dat Rebeed warrt över Gravens na de Landwettern un de Moorwettern afföhrt.

De Naveröörd weren Rübk un Nincoperdiek in’n Noorden, Doasdörpermoor in’n Noordoosten, Vosshusen un Fischbeek in’n Oosten, Wulmsdörp in’n Süüdoosten, Ilsdörp in’n Süden, Ketzendörp un Öbergünn in’n Süüdwesten, Oostmoor in’n Westen un Hogendannen, Weid un Öbergünnermoor in’n Noordwesten.

Historie ännern

Dat Moor un de Heid in’n Noorden von Wulmsdörp hebbt fröher as Buurmeen de Dörper Wulmsdörp, Ilsdörp un Doasdörp tohoop tohöört. De Hüüs in düt Rebeed hebbt den Oortsnaam Moor dragen. Eerst in dat 19. Johrhunnert is dat Land twüschen de Gemenen opdeelt worrn. Op dat Rebeed, wat an Wulmsdörp gahn is, stünn een Hoff. Dat weer de Utgangspunkt von Wulmsdörpermoor.

In de twete Hälft von dat 19. Johrhunnert is de Oort denn bilütten to en lüttje Siedlung ranwussen. In dat 20. Johrhunnert is de Oort aver kumplett von Vosshusen opfreten worrn, dat in düsse Tied gau wassen dee. Von de olen Hüüs von Wulmsdörpermoor is vondaag nix mehr nableven. De Straat dör Wulmsdörpermoor heet nu Liliencronstraat un trennt en Wahnrebeed von en Gewarvrebeed.

In Vosshusen driggt vondaag en Straat den Naam Wulmsdörper Moor, de aver nich an de Steed von de ole Siedlung liggt.

De Hoff an’t Heisternest (an de L 235 dicht bi Rübk) hett ok to Wulmsdörpermoor höört, is aver in de Johren 2010 bi’n Bo von de A 26 verswunnen. De Trass von de Autobahn föhrt direkt över de ole Hoffsteed.

Verwaltungsgeschicht ännern

De Oort hett vör 1859 to de Huusvaagdie Mesborg von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall ännern

Johr Inwahners
1791-00-001791[1] 3 Füürsteden
1812-00-001812[2] 25
1824-00-001824[3] 3 Füürsteden
1848-00-001848[4] 1 Hoff
1871-12-011. Dezember 1871[5] 10 Lüüd, 2 Hüüs
1885-12-011. Dezember 1885[6] 31 Lüüd, 6 Hüüs
1905-12-011. Dezember 1905[7] 31 Lüüd, 7 Hüüs

Religion ännern

Wulmsdörpermoor weer evangeelsch-luthersch präägt un hett to dat Kaspel von de Nicolai-Kark in Ilsdörp höört. Siet 1958 höört dat Rebeed to de Karkengemeen von de Luther-Kark in Vosshusen.

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 156
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 412
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 147
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 79


Koordinaten:53° 28′ N, 9° 47′ O