Yangzom Brauen
Yangzom Brauen (* 18. April 1980 in Bern) is en Schauspelersch ut de Swiez. Se is de Dochter vun den Swiezer Ethnoloog Martin Brauen un vun de tibeetsche Künstlersche Sonam Dolma Brauen.
Loopbahn
ännernDe Schauspeleree hett se op de Berner Schauspeelschool („Hochschule der Künste“) lehrt. Dorna hett se lüttere Rullen in't Theater un in’t Feernsehn hett. 2005 hett se mit den Kinofilm Æon Flux ehr Hollywood-Debüt hett. Dor hett se de Rull vun Inari speelt, een vun de bösen Lüüd. Siet dissen Film hett se in ünnerscheedliche amerikansche Produkschonen mitmaakt. För de Reeg Hallo Hollywood arbeit se ok as Speelbaas’sche un Produzentin un schrifft ok de Dreihböker dorto.
Blangen de Schauspeleree is Yangzom Brauen en Aktivistsche för de Unafhangigkeit vun Tibet. För se is dat dör de Geschicht vun ehr Familie wichtig. Ehr Grootöllern sünd ut Tibet utneiht, as ehr Mudder man bloots söss Johr oolt weer. Besünners ehr Grootmudder, de jümmers noch leevt, is för se wichtig wurrn, wieldat dat för se en direkten Blick op dat Schicksal vun Tibet wiesen deit.
In de Narichten is se wesen, wieldat de russ’sche Sünnerpolizei se in Moskau fastsett harr, as se in’n März 2001 vör dat Huus vun’t internatschonale Olmympsche Komittee IOC gegen de Wahl vun China as Gastland vun de olympschen Spelen vun 2008 demonstreert harr. Se is dorför een Nacht in’t Kaschott kamen.
Eenmol in de Week geiht se in en Tempel un se is Liddmaat vun de Tibet Connection, de eenmol in’n Maand in Los Angeles en Radioprogramm över Tibet maakt.
Filmografie (Utwahl)
ännern| Johr | Titel |
|---|---|
| 2001 | Joy Ride |
| 2001 | Schluss mit lustig!, Feernsehn |
| 2002 | Paul und Lila, Kortfilm |
| 2003 | 3 Lieder, Kortfilm |
| 2004 | Heimkehr |
| 2005 | Æon Flux |
| 2006 | A2Z |
| 2006 | Asudem |
| 2009 | The Mandala Maker |
| 2009 | Cargo |
| 2009 | Hallo Hollywood, Feernsehreeg |
| 2010 | Länger leben |
| 2012 | Wie zwischen Himmel und Erde |
| 2016 | Available |