Yothu Yindi
Yothu Yindi (Kind un Mudder in de Spraak vun de Yolŋu) is en austraalsche Musikgrupp, de in’t Johr 1986 üm Mandawuy Yunupingu, de togliek Singer, Bandleader un Ledermaker is, entstünn. Yunupingu is 1993 to’n „Australier vun’t Johr 1992“ wählt worrn.
Achtergrund vun de Grupp ännern
De Liddmaten vun de Grupp sünd to’n Deel Aborigines un to’n Deel Australier mit europääsche Afstammen. De Aborigines höört to den Stamm vun de Yolŋu, de op dat Gove-Halfeiland in’t Arnhem Land in’n Northern Territory tohuus is. De Grupp versöcht, de beiden musikaalschen Kulturen mit’nanner to verknütten. So warrt to’n Deel traditschonelle Musik vun de Aborigines speelt, de deelwies dusende Johren oolt is, wiel op de annern Siet normale Pop- un Rockmusik dorbi is. Faken warrt de beiden Musikrichten vermischt, wat sik dorin wiest, dat in meist all Leder moderne Musikinstrumenten as Gitarrn un Slagtüüch tosamen mit traditschonelle Instrumenten as dat Didgeridoo un de so nöömten Clapsticks insett warrt. Ok de traditschonelle Dans is anpasst worrn, üm dormit jemehr Musik ünnermolen to künnen.
Butendem sett sik de Grupp ok för gegensietigen Respekt un för dat Mit’nanner vun de ünnerscheedlichen Kulturen in. In Düütschland is de Grupp sünners wegen jemehr Tosamenarbeit mit Peter Maffay op sien Album Begegnungen vun 1998 bekannt worrn.
Diskografie (Utwahl) ännern
- 1989: Homeland Movement
- 1992: Tribal Voice
- 1993: Freedom
- 1996: Birrkuta – Wild Honey
- 1998: One Blood (Best-Of)
- 2000: Garma
- 2005: Peace
Weblenken ännern
- Offizielle Websteed (engelsch)