Zdeněk Vítek (* 25. Juli 1977 in Vrchlabí, Tschechoslowakei) is en ehmalger tschechisch Biathlet un dornah Biathlon-Trainer.

Zdeněk Vítek

De in Jilemnice levend Sportlehrer bedreev siet 1992 Biathlon un wurr 1998 eerstmals in den Natschonalkader vun de Tschechisch Republiek beropen. Sien Vereen weer SKP Jablonec un he wurr vun Ondrej Rybar traineert. Sien gröttste Spood weer de Gewinn vun de Bronzemedaille bi de Biathlon-Weltmeesterschapen 2003 in Chanty-Mansijsk. He hett ok tweemal in’n Weltcup wunnen.

Loopbahn ännern

In sien eerste Saison reck he Platz 58 in’n Gesamtweltcup (tosommen mit anner Athleten). In de Folgesaison full he mit blots 5 Punkten up Rang 62 torüch. Af de 1999/2000 gung dat aber goot vöran. In’n Gesamt-Weltcup reck he Platz 34. Besünners good leep dat up de veert Statschoon in Oberhof. Dor reck he in’n Sprint all Platz 12 un kunn sück in de ansluutend Verfolgung up Platz 3 stiegern un bleev dor blots noch achter Ole Einar Bjørndalen un Peter Sendel aber vör to’n Bispeel Raphaël Poirée.

De nee Saison fung vör hüm överragend an. In Antholz kunn he glieks den Eenzelwettkamp up sien Naam schrieven un bleev vör Carsten Heymann, Sergei Leonidowitsch Roschkow|Sergei Roschkow]], Tomaž Globočnik un annern. In de Verfolgung keem he dorto up den 8. Platz. Bi de Biathlon-Weltmeesterschapen 2001 in Pokljuka reck he mit Platz 10 in de Verfolgung sien best Resultat. Den Gesamt-Weltcup hett he in disse Saison mit Platz 16 afslooten. Mit de Staffel keem he knapp up den darten Platz. Nahdem he blots 3 Rennen ünner de best Teihn afslooten harr und ok nich all Rennen loopen weer, keem he in de Saison 2001/2002 up den 24. Rang in den Gesamt-Weltcup.

In de Weltcup-Saison 2002/03 keem he bi de eerst dree Statschonen immer in de Punkteränge un mehrfach ünner de best 20. De nächst veer Weltcup-Statschonen weer he aber nich an’n Start. Bi de tweetletzt-Weltcupstatschoon in Östersund keem he in der Verfolgung up den tweeten Platz achter Wladimir Petrowitsch Dratschow, aber vör Halvard Hanevol, nahdem he in’n Sprint up den söbtenten Platz kommen weer. Ok in’n Eenzel keem he up Platz 2 (achter Janez Marič und vör Marko Dolenc).Bbi de Biathlon-Weltmeesterschapen 2003 in Chanty-Mansijsk fung he glieks mit en darten Platz in’n Sprint (achter Ole Einar Bjørndalen un Ricco Groß), wat denn ok sien gröttste Spood bleev. Dat doran ansluuten Verfolgungsrennen hett he nich to’n Enn’n brocht uni s ok in’t Eenzel nich antreeden. In dat Verfolgungsrennen keem he up Platz 7. In de Gesamtweltcupwertung keem up den 16. Rang, bemarkenswert, wenn man bedenkt, wu völ Rennen he nich bestreeden harr.

In de Folgesaison sünd kien Ergevnisse vun hüm to finnen. In de Saison 2004/05 weer sien best Ergevnis en Platz 13 un in de Gesamtwertung keem he up Platz 58. In de Folgesaison keem he eenmal ünner de best 10 un in de Gesamtwertung up Rang 36. Ok för de Saison 2006/07 gifft dat kien Ergevnisse vun hüm. De Saison 2007/08 hett he up Rang 35 afslooten. Dorbi keem he in twee Rennen sogor noch up den 7. Platz. In de Saison 2008/09 keem he woll regelmatig in de Punkteränge, aber nie ünner de best Teih, un an dat Enn’n vun de Saison belegg he Rang 48 in den Gesamtweltcup.

In de Saison 2009/10 keem he blots noch selten in de Punkteränge un stunn an’t Enn up Rang 92 in den Gesamtweltcup, wobi he aber ok nich all Rennen bestreeden harr. Aber in disse Saison wurr he in Kościelisko in Polen Biathlon-Europameester in’t Eenzel.

Wat beter leep de Folgesaison, wo he up Rang 70 lannen dee. Een Rang schlechter stunn he an dat Enn’n vun de Saison 2011/12 dor; Michal Šlesingr, Jaroslav Soukup un Ondřej Moravec harrn hüm nu den Rang all lang afloopen. De Folgesaison hett he aber dennoch up Rang 50 afsluuten kunnt. In sien letzt aktov Saison keem he woll noch in de Staffel to’n Insatz, reck aber kien Platzeeren mehr in’n Weltcup.

Zdeněk Vítek nehm veermal an Olympisch Winterspelen deel. De Winterspelen in Turin weern för hüm de besten, as Vítek mit Platz 10 in‘n Sprint un Platz 16 in de Verfolgung sien Togehörigkeit to de besten vun de Welt ünner Bewies stellen kunn.

Nah de Saison 2013/14 hett he sien sportlich Loopbahn afslooten un övernehm af de folgend Saison dat Amt vun den Damentrainer in sien Verband. Veer Johr later is he in glieker Funktschoon to dat Team vun de Mannlüüd wesselt. To de Saison 2020/21 övernehm he sluutend dat tschechische IBU-Cup-Team vun de Mannlüüd.

Weblinks ännern