Klinikum Bremerhoben

Dat Klinikum Bremerhoben is en Krankenhuus in Bremerhoben. Dreger is de Stadt Bremerhoben. Bet 2005 hett dat noch Zentralkrankenhuus Reinkenheid heten. Dat is mit 1700 Mitarbeiders un över 700 Bedden dat gröttste Krankenhuus in de Region. Dat Klinikum is Akademisch Lehrkrankenhuus von de Universität Göttingen. 2008 hett dat dat Gütesiegel „Energiesparendes Krankenhaus“ kregen. Geschäftsföhrers sünd Thomas Kruse un Edith Kramer.

Klinikum Bremerhoben Reinkenheid

Historie

De städtschen Krankenhüüs Midd von 1882 un Leh von 1906 weren medizinsch good utrüst, weren aver von de Gebüüd un von’n Platz her nich mehr op’n Stand. De Krankenhüüs to saneren weer nich mehr weertschoplich. Dorüm is en neet Krankenhuus op de Reinkenheid an’n Rand von’n Bremerhobener Stadtdeel Schippdörperdamm boot worrn.

An’n 10. November 1972 is de Grundsteen för dat Zentralkrankenhuus Reinkenheid (ZKH) leggt worrn un an’n 5. Juni 1974 weer dat Richtfest. An’n 28. Juni 1976 kunn dat Krankenhuus mit 13 Etaaschen denn apenmaken. De Kösten för dat Land Bremen un de Stadt Bremerhoben legen so bi 150 Milljonen Mark. Nee tokamen sünd för Bremerhoben de Neurologie, de Neurochirurgie, de Keferchirurgie un de Hämodialyse.

2019 is för 6,18 Milljonen Euro en Helikopter-Lannplattform nee boot worrn, de op een Ebene mit Noodopnahm un OP-Saals liggt. Vörher sünd de Helikopters op de „gröne Wisch“ lannt un de Patschententransport in de Noodopnahm weer recht opwännig. Dat schall de Noodfall-Versorgung an dat Klinikum düüdlich verbetern.

Fachrebeden

• Froonklinik
• Hals-, Nesen-, Ohren-Klinik
• Klinik för Anästhesiologie un Operative Intensivmedizin
• Klinik för Dermatologie, Allergologie un Phlebologie
• Medizinsche Klinik I (Gastroenterologie, Pneumonologie, Onkologie un Diabetologie)
• Medizinsche Klinik II (Kardiologie, Nephrologie un Dialyse)
• Medizinsche Klinik III (Geriatrie)
• Klinik för Mund-, Kefer- un Gesichtschirurgie
• Klinik för Psychiatrie un Psychotherapie
• Klinik för Radio-Onkologie
• Klinik för Unfall-, un Handchirurgie
• Klinik för Allgemeen-, Viszeral-, Thorax- un Gefäßchirurgie
• Neurochirurgische Klinik
• Neurologische Klinik
• Klinik für Orthopädie

Daagskliniken

• Geriatrische Daagsklinik
• Psychiatrische Daagsklinik
• Teilstationäre Dialyse
• Dermatologische Daagsklinik
• Onkologische Daagsklinik

Institute

• Physiotherapie
• Institut för Laboratoriums- un Transfusionsmedizin
• Institut för Röntgendiagnostik un Nuklearmedizin

Weblenken

• Websteed von dat Klinikum (hoochdüütsch)