Zheng He
Zheng He (chineesch 鄭和 / 郑和, Zhèng Hé, W.-G. Cheng Ho, Pe̍h-oē-jī Tēnn Hô; * 1371 in Kunming, Ming-Dynastie; † 1433 op See) was een chineeschen Admiraal, Farensmann, Updecker un Diplomaat in de Tied van de Ming-Dynastie. He is besunners för siene grote Seereisen bekannt, de enne bet na Indien, Arabien, Persien un Afrika bröchten.
| 鄭和 / 郑和 Zheng He | ||
 | ||
| Personen-Informatschoonen | ||
|---|---|---|
| Boortsdag | 1371 | |
| Boortsstell | Kunming, Ming-Riek | |
| Doodsdag | 1433 | |
| Doodsstell | op See | |
| Natschoonalität | Chineesch | |
| Kunnig för | Seereisen, Updecker, Diplomaat | |
Zheng He kam in’t Johr 1371 in Kunming in de chineesche Provinz Yunnan up de Welt. As Jungen is he na Peking bröcht worrn un is daar in’n Huushoold vun den later Mingkaiser Yongle komen. Hier het he sien Weten över Navigatschoon un dat Militäär kregen. 1405 gav de Ming-Kaiser den Updrag, dat Zheng He Scheep buen un to See fören solle.
Twischen 1405 un 1433 was Zheng He up sess grote Seereisen. Siene Expeditschonen sind över de Chineesche See hen na Asien, Afrika un dat Araabsch Halveiland gaan. De Flotten sind in Havens vun Java, Sumatra, Ceylon, Indien, Oman un Afrika anleggt. Up sien Reisen het Zheng He Handelsverdräge afsloten, Diplomaten Wellkomen heten un Politik bedreven. Sieen Expeditschoonen weren för de Tied dunntomalen de gröttsten un modernsten Seereisen, de dat betto geven het.
Wo un woans Zheng He doodbleev, is nich bekannt. Sachtens is he up een van sienen Reisen dood bleven. Na sienen Dood hebbt de chineeschen Seereisen un de internatschonale Diplomatie op See nalaten. China het sik nu to’n groten Deel mit de Binnenpolitik befaat.
Zheng He sien Leven un Reisen
ännern
Histoorsche Borns mit Verlaat givt gat nich, so dat allens wat wi över Zheng He sien Leven weet uut Vertellens stammt.
Kinnertied un Upstieg
ännernZheng He kam tiedens Ming-Dynastie in Kunyang up de Welt, wat vandage dat Stratenquarteer Kunyang in’n Stadtbezirk Jinning in de süüdchineesche Provinz Yunnan is. Siene Familie was muslimsch. He stamme van den mongoolschen Minister Sayyid Adschall Schams ad-Din Umar (1211–1279) af.[1] De Vööröllern van düssen Ministers kemen uut Buchara, wat vandage in Usbekistan liggt, un güllen för Nakomen van’n Profeten Mohammed. Sien Grootvader un Vader sind, as glöövsche Muslime, beide up Haddsch na Mekka pilgert. 1382 nemen de Ming-Truppen den dunntomalen 11 Jaren ole Zheng He fungen. Mit 13 Jaren kastreren se em an’n Kaiserhove, denn de Kaiser solle de enige Mann in’n Palast sien, de Kinner könne. Zheng He kam eerst as Dener an den Hov van den Prinzen Yan, Zhu Di, de later unner den Naam Cheng Zu Kaiser vun de Ming-Dynastie werden solle.
He was een över de Maten goden Dener un kreeg Lessen in de Kriegskunst un Diplomatie. Prinz Zhu Di gav em den Naam Zheng He, nadem dat’t Peerd van den Eunuchen in de Slacht bi Zhenglunba umkomen was. Na de Vertellens was Zheng He ene staatsche Figuur. He soll över 2 Meter groot wesen sien un ene depe Stemme had hebben.
As Prinz Zheng He 1402 Kaiser worrn is, heet dat ook enen groten Winnst för Zheng He. 1403 maak Kaiser Yongle em Admiraal un order ene Flotte to bubben, so de Macht van China uutowieden un na dat de Mongolen över dat Land heerscht hadden, wedder Macht un Inflood to winnen. Admiraal Zheng He was de eerste Eunuch in so ’nen hogen militäärschen Amt in China.
Scheep un Navigatschoon
ännern
De Flotten van Zheng He setten sik uut verscheden Scheep tohope, daarmang grote Dschunken. De Schattscheep weren na chineeschen Kröönken bet to 120 m lang un 50 m breid. De Unnersöök vandage denkt dat’t Maat wal överdreven is un de gröttsten Schattscheep an de 59 bet 84 m groot weren.[2] Se weren de Flaggscheep in de Flotte un worrn in Nanjing up Dröögdock an’n Jangtsekiang buut.
De Afsicht för de Reise was de Hannel, sunnerlik mit Spezerien, Krüder un Juwelen, un dat Ziel Havens in Indien, Persien un Arabien; man ook Tribute för den chineeschen Kaiser, solle Adrimral indreven.[3] De Landweg, de Siedenstrate, was in de Tied üm 1400 unseker worrn: so dat de niegen Seerouten Nood deen. De Flotte hadde dusedne Tunnen chineesche Hannelswaren an Bord. Se sette sik to’n Deel uut groten Schunken med acht Masten tohoope, de för den Transport van Peren dacht weren, Scheep vull Drinkwater oder Krüder as Medizin un gauen Singaalscheep tohope. De Flotte hadde ook dusende Saldoten mit, de nich alleen Piraten bwtwngen sollen, man ook den Kaiser siene Macht in’n Butenland wiesen sollen.
De Flotte to navigeren bruuk Zheng He al enen Kompass, de in China in’n 11. Jhd. uutfunnen worrn is. Rökersticken denen de Tied to tellen un jede Dag was is 10 Waaktieden indeelt je 2,4 Stunnen, also 2 h 24 min. De geograafsche Breide meten de Seelüde mit Hülpe van den Polaarsteern in’n Noorden un mit den Süüdkrüüz up de Süüdhalvkugel.
Reisen
ännern
Eerste Reise (1405–1407)
ännernDe eerste Schattflotte sette sik uut 62 Scheep tohope. In’n Harvst 1405 leep se mit 27.800 Schipplüde uut. De eerste Reise gung na Calicut in Indien, Peper gegen Siede un Porzellan to hanneln. Indien hadde al in’n 7. Jhd. de chineesche Updecken Xuanzang över den Landweg uutforscht. De FLotte make Statschoon in Vietnam, Java un Malakka un föör den na West to twars över den Indischen Ozeaan na Sri Lanka un an de Süüdoostküsten van Indien. Den Winter 1406/1407 brochte de Flotte daar mit den Hannel un Diplomatie to. Up den Weg retour betwung se Piraten, de den Hannel mit Indien in’n Weg stünnen. Eer Kaptein nemen se fungen un richten em hen. Noch 1407 keem de Flotte wedder na Nanjing torügge.
Mit an Bord was de Översetter Ma Huan, de Zeheng He up dree van sienen seven Reisen bgleiit het, un den siene Berichte över Zheng He sienen Reisen nableven sind.
Twede Reise (1407–1409)
ännernDe twede Reise gung wedder na Indien, daar de Macht van’n König van Calicut to sekern. Zheng He nam nich persöönlich deel denn China hadde he de Upsicht Tempels in stand to setten.
Drüdde Reise (1409–1411)
ännernBi de drüdde Reise nemen 30.000 Mann Schipplüde up 48 Schippen deel. Se veleep up ene Route, de de eerste Reise liek kam. Up den Weg richten se Lager för Göder up. De Köning vn Sri Lanke was den Chinesen gegenöver fiendlich sinnt. Zheng He siene Truppen besiegen de Striedkärfte van den Köning un nemen em fungen un broöchten em na Nanjing.
Veerde Reise (1413–1415)
ännern1412 gav de kaiser Zheng He de Order för ene veerde Reise. Üm den jaahrswessel 1413/1414 leeg de Flotte mit 63 Schippen un 28.560 Mann uut. De Resie gung na de Straat van Hormus bi’n Persischen Golf, de beaknnt för Parlen un Eddelsteen was. Dele van de Flotte selgeln langs de afrikaansche Oostküste bet na Mosambik. Sommers 1415 keem de Flotte mit afrikaanschen un araabschen Diplomaten un velen Schätten uut den Orient na Nanjing torügge.
Fievde Reise (1417–1419)
ännernDe fievde Reise befaal de Kaiser 1417, dat de frömden Diplomaten wedder in eer Länner torügge koomt. De Schattflotte het Nanjing 1417 verlaten, nam de Weg över den Persischen Golf na OOstküste vun Afrika un maak in Mogadischu Stopp. Se kam 1419 torügge.
Sesste Reise (1421–1422)
ännernDe Schattflotte leep in’n Vöörjaar 1421 uut. De Reise gung över Süüdoostasien, Indien un den Persischen Golf wedder na Afrika. Theng He sülvenst kam Enne 1421 wedder na China, de Rest van de Flotte 1422.
Kaiser YOngle is 1414 storven. Dat was för Zheng He sülvenst man ook för heel de Schattflott een swaren Daalslag. De neige Kiaer Hongxi beenne de Reisen van de Schatflotte un schicke de Scheepbuer un Seelüde na huus. Zheng He was nu Militäätkommnadat in nanjing.
Sevente Reise (1431–1433)
ännern
Kaiser Hongxi bleev al 1425 dood. Sien Soon Xuande besteeg den Throon. De hadde so as sien Grootvader Interesse an frömden länner leet de Schattflotte wedder upleven. 1430 gav he Order för ene niege Reise. Zheng He was wedder Admiraal. De Reise solle de dilpolmaatschen med Mallaka un Thailand verbetern Een Jaar later leep de Flotte mit 100 Scheep un 27.500 Mann uut.
Dood
ännernDe Berichten över Zheng He sienen Dood wedderspreekt sik. Na den enen bericht sall he up den Weg Retour 1433 storven sien, na anner Breichten is he 1435dodbleven, nadem dat he na Huus troügg ekomen was.
Zheng He sien Grav liggt bi Nanjing. De grote Sarkophaag uut hellen Steen mit ossenkopp-bargen, de offitschelle as Grav un Denkmaal geltt, is man leddig. Dat Gravmaal worr 1985 to’n 580 Jaardag van de eerstenReise restaureet. In nanjing is ook vandagg noch een van de dreen groten Döögdocks, up den de Scheep för Schattflote buut woorn sind.
Literatuur
ännern- Jacques Gernet: Le monde chinois. 2. L'époque moderne X siècle – XIX siècle. Armand Colin, Paris 2005, ISBN 2-266-16133-4.
- Geoffrey J. Martin, Preston E. James: All Possible Worlds. A History of Geographical Ideas. Odyssey Pr., Indianapolis 1972; John Wiley & Sons, New York 1993; Oxford University Press, New York 2005. ISBN 0-471-06121-2, ISBN 0-19-516870-4.
- J. V. Mills (Ruutgever): Ma Huan. Ying Yai Sheng Lan. The Overall Survey of the Ocean's Shores. 1433. Cambridge 1970
- Leo Philip: Die Armada des Kaisers. In: GeoEpoche H 8 – Das alte China. GEO, Hamborg 2000
- Louise Levathes: When China ruled the seas: the treasure fleet of the dragon throne 1405-1433. Simon & Schuster, New York 1994, ISBN 0-671-70158-4.
- Weng Qi und Nora Frisch, "Der Admiral des Kaisers. Die Abenteuer des Eunuchen Zheng He". Mit Illustrationen von Gregor Koerting. Drachenhaus Verlag, Esslingen 2012. ISBN 978-3-943314-01-4.
- Qihuang Xie u. a.: Zhongguo shaoshu minzu lishi renwu zhi di yi ji. In: Historische Persönlichkeiten der Minderheiten-Völker Chinas. Band 1, Peking 1983, S. 101–105
- Claudine Salmom, Roderich Ptak: Zheng He; Images & Perceptions. In: Roderich Ptak, Thomas Höllmann (Ruutgever): South China and Maritime Asia Volume 15. O. Harrassowitz Verlag, Wiesbaden 2005
- Shusen Qiu: "Zheng He". In: Großes Lexikon der Hui-Nationalität Chinas (Zhongguo Huizu da cidian). Nanjing 1992, S. 1018
- Michael Yamashita: Zheng He. Die Drachenflotte des Admirals. Frederking & Thaler, 2006, ISBN 3-89405-666-5.
- Sally K. Church: ZHENG HE: AN INVESTIGATION INTO THE PLAUSIBILITY OF 450-FT TREASURE SHIPS. In: Monumenta Serica, 53:1 (2005), 1–43, doi:10.1179/mon.2005.53.1.001.
- Uwe Christian Plachetka: Der Admiral in seinem Labyrinth. Zheng He, Indonesien und die maritime Seidenstraße. In: Zeitschrift für Weltgeschichte 20 (2019), 2.
Weblenken
ännern
- Encyclopaedia Britannica - Zheng He
- History - Zheng He and the Ming Dynasty’s Great Navy
- Yu Sen-lun: Following in the wake of Zheng He. In: Taipei Times, 11. Januar 2004 (englisch).
Nawiese
ännern- ↑ Shih-Shan Henry Tsai: Perpetual Happiness: The Ming Emperor Yongle. University of Washington Press 2002, ISBN 978-0-295-98124-6, S. 38 (engelsch)
- ↑ Sally K. Church: The Colossal Ships of Zheng He: Image or Reality? In: Roderich Ptak, Thomas Höllmann (Hrsg.): South China and Maritime Asia Volume 15. O. Harrasowitz Verlag, Wiesbaden 2005, S. 155–176 (englisch)
- ↑ Andreas Lorenz: . In: Der Spiegel. Nr. 35, 2005, S. 126–128 (online – 29. August 2005).