Erwin Sellering

Erwin Sellering (* 18. Oktober 1949 in Sprockhövel) is en düütsch Politiker vun de SPD un weer van' 6. Oktober 2008 bit 4. Juli 2017 Ministerpräsident vun Mekelnborg-Vörpommern. Wegen en Krebserkrankung hett he sien Amt upgeven.

Erwin Sellering (2013)

Leven un Beroop

Nah sien Abitur hett Sellering Juristeree an de Universitäten Heidelbarg, Baukem un Mönster studeert, wat he mit dat eerste juristisch Staatsexamen 1975 beend hett. 1978 hett he dat tweete Staatsexamen makt un weer denn nahderhenn Richter in Gelsenkiärken un Griepswohld, wo he 1996 to’n Viezpräsidenten vun’t Verwaltungsgericht ernennt wurr.

Erwin Sellering is verheiraadt un hett twee Kinner. An 30. August 2010 hett he dat tweete Maal heiraadt.

Politische Karriere

Partei

Siet 1994 ist Sellering Liddmat vun de SPD. Siet 1996 gehört he to de SPD-Landsvörstand in Mekelnborg-Vörpommern.

Afordenter

Siet 2002 weer Sellering Liddmat vun den Landdag in Meklenborg Vörpommern (2002 as direkt wählt Bewerber, 2006 över de Landslist). An'n 18. Oktober 2019 hett he sien Mandat daalleggt.

Apenlich Ämter

An’ 20. September 2000 wurr Sellering Justizminister vun Mekelnborg-Vörpommern in de Landsregeeren ünner Ministerpräsident Harald Ringstorff. 2006 överdroog Ringstorff hüm de Posten as Minister för Soziales un Gesundheit. Nahdem Ringstorff sien Rückträe ankünnigt harr, wurr Sellering denn sien Nahfolger.

Weblenken

• Websteed vun Erwin Sellering
• Indrag up de Websteed vun de Landdag vun Mekelnborg-Vörpommern
• Ringstorff, Keler und Ebnet treten zum 3. Oktober zurück
• Ein Jurist aus dem Westen soll Ringstorff beerben