Ľubomír Ftáčnik
Ľubomír Ftáčnik (* 30. Oktober 1957 in Bratislava) is en slowaaksch Schachmeester.
Werdegang
ännernFtáčnik hett eerst mit 13 Johren Schachspelen lehrt, dennoch harr he aber all as Jöögdspeler tallriek Erfolge. 1977 wunn he de Jöögdeuropameesterschap in Grunneng un wurr in dat sülvig Johr Tweet bi de Jöögdweltmeesterschap. In dat Johr kreeg he denn ok den Titel Internatschonaler Meester. 1980 kreeg he vun de FIDE den Grootmeestertitel tospraaken.[1]
In de 1980er Johren harr he sien spoodriekste Tiet. He wunn de Turniere in Cienfuegos 1980, Esbjerg 1982, Trnava un Travemünn 1983, Altensteig 1987 un dat Baden-Baden-Open 1987. Bi de Dortmunder Schachtage 1981 wurr he Dart, punktgliek mit den Sieger Henadij Kusmin un Jonathan Speelman.[2] Buterdem wunn he in Sydney 1991, Neuchâtel 1996, Forio up de Insel Ischia 1996, Hamborg 1998, Los Angeles 1999 (deelt mit Tony Miles, Alexander Beliavsky un Suat Atalık), Gold Coast 2000. 2001 wurr he punktgliek Tweet achter Konstantin Landa in Deizisau. He wunn 2002 de Slowaaksch Meesterschap un veer Mal (1981, 1982, 1983 un 1985) de Meesterschap vun de Tschechoslowakei.
He is en profileert Mitarbeiter un Kommentater bi ChessBase. Bit Juli 2003 weer he ünner de Top 100 vun de Welt. Sien best Elo-Tall weer 2618 (Januar bit Juni 2001).
Mannschapsschach
ännernNatschonalmannschap
ännernFtáčnik hett tonächst de ČSSR bi söben Schacholympiaden vertreeden. Bi de Schacholympiade 1982 in Luzern wunn he mit sien Heimatland Sülver. Ansluutend speel he teihn Mal för de Slowakei.[3] Ftáčnik nehm an fiev Mannschaftseuropameesterschapen (1980 un 1989 för de Tschechoslowakei, 1997, 1999 un 2001 för de Slowakei) deel, wobi he 1980 in Skara dat beste Eenzelergevnis an dat sösste Brett recken dee.[4]
Vereensschach
ännernFtáčnik speelt siet 1989 in de düütsch Schachbundsliga, tonächst bit 1991 för den Münchener SC 1836, siet de Saison 1992/93 för den Hamborger SK, mit den he ok tweemal an' European Club Cup deelnommen hett[5]. Bit to dat Saisonenn' 2013/14 harr he van 327 mögelk Bundsligawettkämpen blots söben verpasst.
Dornebn hett he aber ok för Ligamannschapen in Öösterriek, Nedderlannen, Tschechien un Slowakei speelt.
Privates
ännernFtáčnik is de Bröer vun de Politiker Milan Ftáčnik, de 1998 bit 2002 Bildungsminister in de Slowakei weer un von 2010 bit 2014 Börgermeester vun Bratislava weer. Sien Twilling Jan is Physiker an de Comenius-Universität Bratislava.
Enkeld Nahwiesen
ännern- ↑ Willy Iclicki: FIDE Golden book 1924-2002. Euroadria, Slovenia, 2002, S. 77
- ↑ Dortmunder Schachtage 1981
- ↑ Ľubomír Ftáčnik sien Ergevnisse bi Schacholympiaden up olimpbase.org (engelsch)
- ↑ Ľubomír Ftáčnik sien Ergevnisse bi Mannschapseuropameesterschaften up olimpbase.org (engelsch)
- ↑ Ľubomír Ftáčnik sien Ergevnisse bi European Club Cups up olimpbase.org (engelsch)
