Hauptmenü öffnen

Los Angeles [lɒs ˈændʒələs] (ut spaansch Los Ángeles [losˈaŋxeles] ‚De Engel‘) oder ok kört L.A., is de gröttste Stadt in den US-Bundsstaat Kalifornien. Se liggt an’ Pazifik un den Los Angeles River.

Los Angeles is mit 3.792.621 Inwahners (2010)[1] in’ Stadtrebeet nah New York de tweetgröttste Stadt vun de USA.[2] Mit 11,8 Millionen Inwahners in de Agglomeration,[3] as ok över 12,8 Millionen Inwahners in de Metropolregion (Metropolitan Statistical Area) un knapp 17,8 Millionen in de wiedere Metropolregion steiht de Greater Los Angeles Area ünner de gröttst Metropolregionen vun de Welt an 17. Stäe.[4] De Inwahners vun Los Angeles wurrd Angelenos (ændʒəˈlinoʊz) nömmt.

Los Angeles is Hööftstadt un Verwaltenssitt vun den Los Angeles County. De Stadt is dat Wertschaps-, Gewarf- un Kulturzentrum vun Kalifornien mit tallriek Universitäten, Hoochschoolen, Forschungsinstituten, Theatern un Museen. Los Angeles is de weltgröttste Standoort för de Floogtüüch- un Ruumfohrtindustrie un bekannt wegen de dor vörhannen Film- un Feernsehindustrie (Hollywood) un Musikszene.

Enkeld NahwiesenÄnnern

WeblenkenÄnnern

  Los Angeles. Mehr Biller, Videos oder Audiodateien to’t Thema gifft dat bi Wikimedia Commons.
  Wiktionary: Los Angeles – Bedüdensverklaren, Woortherkamen, Synonymen, Översetten