Ab Geldermans
Albertus „Ab“ Geldermans (* 17. März 1935 in Beverwijk) is en ehmalger nedderlannsch Radrennfohrer un Sportlich Baas.
Loopbahn ännern
1954 wunn Geldermans sien eerst Straatenrennen as Amateur. 1957 schaff he dree Siege un wurr nedderlannsch Viezmeester in dat 4000-Meter-Eener-Verfolgungsfohren. Sien gröttste Spood as Amateur weer in dat glieker Johr Platz 3 bi de Eener-Verfolgung van de UCI-Bahnweltmeesterschapen in Rocourt. 1958 wunn he een Deelstreck bi de Polen-Rundfohrt un keem up den 7. Platz in de Gesamtwertung. 1959 wunn he dree wiedere Straatenrennen un keem bi de Freedensfohrt 1959 Berlin-Prag-Warschau up den 4. Platz un in dat Eenzeltietfohren bi dit Deelstreckenrennen reck he den 2. Platz. Dornah wurr he Profi.
Glieks in sien eerst Profi-Johr (1960) wunn he de Düütschland-Rundfohrt mit en Deelstreckensieg un as eerst nedderlannsch Fohrer ok den Klassiker Lüttich-Bastogne-Lüttich. 1961 wunn he dat Rennen Veer Daag vun Düünkarken (vor Raymond Poulidor). 1962 wurr he nedderlannsch Straatenmeester un wunn ok dat Eenzeltietfohren un bi de Vuelta a España belegg Geldermans den teihnten Platz. 1966 wunn he noch mal een Deelstreck bi dat Rennen Paris–Nizza.
Geldermans hett söben Mal an de Tour de France deelnommen un hett 1962 ok twee Daag lang dat Geel Trikot dragen. 1966 hett he sien Loopbahn afslooten.
Nah dat Enn‘ van sien Loopbahn hett he tosommen mit sien Fru in Beverwijk en Sportgeschäft apen maakt. 1968 wurr he noch Sportlich Baas van dat nedderlannsch Natschonaltam bi de Tour de France. Sien Schützling Jan Janssen wunn in dat Johr de Tour.
