Abdomen (Liddfööt)

In de Entomologie bedutt Abdomen dat Achterlief vun de Liddfööt. Ansluten deit sik dat an den Thorax. In dat Abdomen sitt en Deel vun de Organe to’n Verdauen un de Organe to’n Utscheden mit dat Achtergatt. Ok de Geslechtsdeele finnt sik dor. Dat Abdomen besteiht ut 6 (bi de Springsteerten) bit 11 (bi de Beengrabbelers un allerhand Fleeginsekten, sunnerlich bi de ehre Budden) Segmente un en Achtersegment (Telson), wat avers keen vullstännig Segment dorstellen deit. De hööchste Tahl vun Segmente (11+1) finnt sik bi de meisten Insekten in de Tied as Budden. Later nümmt de Tahl denn af. Bi de Beengrabbelers löppt dat annersrum un eerst in de Buddentied kummt de „vulle“ Tahl vun de Segmente tostanne. Bi de Springsteerten blifft dat jummerlos bi de lüttjere Tahl.

Tsetseflege, schemaatsch dorstellt, rutstreken dör sünnerliche Farven sünd de Kopp (vigelett), Thorax (blau) un Achterlief (gröön)