Adalbert Herrmann

düütschen Pädagoog un Schriever

Adalbert Herrmann (* 27. April 1802 in Lübeck; † 20. April 1889 in Celle) weer en düütschen Pädagoog un Schriever.

Herrmann is 1802 as Söhn von Christiane Friederike, borene Knorr (üm 1780–23. Juli 1847), un den Pädagoog Friedrich Herrmann (29. Juni 1775–17. Januar 1819) in Lübeck boren.[1] He weer in Lübeck op dat Katharineum un hett von 1820 bet 1825 an de Universitäten Leipzig un Berlin Philologie un Theologie studeert.[1]

Na dat Studium weer he för en Tied Huuslehrer un denn von 1827 bet 1832 Rekter von de Latienschool Oterndörp, de von 1829 af an Progymnasium heten hett.[1] 1832 is he as Kunrekter an dat Gymnasium Göttingen wesselt.[1] An’n 25. Oktober 1833 is he to’n Perfesser un Inspekter beropen worrn un an de Ridderakademie Lümborg wesselt.[1] 1836 is he Direkter von de Ridderakademie worrn.[1]

De Akademie gell as ständisch-elitär un is dorüm 1850 (twee Johr na de Revolutschoon von 1848) oplööst worrn. Herrmann is 1851 as Perfesser an dat Gymnasium Celle gahn.[1] 1872 is he in Rohstand gahn.[1]

Warken ännern

  • Jenseits des Meeres. 1858
  • Echoklänge aus Benusia. 1862/1865
  • Zeitklänge. 1872
  • Ludwig der Bärtige, der Bayernherzog von Ingolstadt. 1874
  • Der Brauttausch. 1881

Footnoten ännern

  1. a b c d e f g h Franz Brümmer: Lexikon der deutschen Dichter und Prosaisten vom Beginn des 19. Jahrhunderts bis zur Gegenwart. Band 3, 6. Oplaag, Leipzig 1913, Sied 171