Aflehnt Königsgambit

Aflehnen vun dat Königsgambit mit
2. … Lf8-c5

Dat Aflehnt Königsgambit is de Beteken för eenige Anspeelvarianten in‘ Schach. In den ECO-Codes wurrn se ünner C30 bit C32 indeelt.

De Führer vun de swaart Figuren hett verscheeden Mögelkeiten, dat nah de Tüüg 1. e2-e4 e7-e5 2. f2-f4 entstahn Königsgambit aftolehnen.

An‘ meesten in Gebruuk sünd de Varianten:

2. … Lf8-c5, etwa mit de wiedere Folg 3. Sg1-f3 d7-d6 4. Sb1-c3 Sg8-f6.

2. … d7-d5 3. e4xd5 e5-e4, de Hööftvariante vun dat Falkbeer-Gegengambit.

2. … d7-d5 3. e4xd5 c7-c6, dat Nimzowitsch-Gegengambit.

Seltener speelt wurrn:

2. … d7-d6

Disse Aflehnen wurr vun Aaron Nimzowitsch erwähnt. Dat find sück ok de Naam „Londoner Verteidigung“ dorför. Nah 3. Sg1-f3 e5xf4 ergifft sück de Fischer-Verteidigung vun dat Königsspringergambit.

2. … Sg8-f6

Disse Gegenangreep wurr all Gioachino Greco, Alexander Dmitrijewitsch Petrow oder Isidor Gunsberg toschreeven. 3. Sb1-c3 führt to de Wiener Partie.

2. … Dd8-f6

De vun Stefan Bücker up den Weg brocht Nordwalder Variante bringt de Daam fröh in’t Speel. 3. Sg1-f3 Df6xf4 4. Sb1-c3 Lf8-b4 5. Lf1-c4 Lb4xc3 6. 0-0 wiest konsequent Speel in de f-Lien.

2. … Dd8-h4+

Dit vun Raymond Keene empfahlen Schachgebot kann to 3. g2-g3 Dh4-e7 4. f4xe5 d7-d6 5. e5xd6 De7xe4+ 6. Dd1-e2 De4xe2+ 7. Sg1xe2 Lf8xd6 führen.

2. … Sb8-c6 3. Sg1-f3 f7-f5

Dat vun Matthias Wahls empfahlen Adelaide-Gegengambit, ok Serafino-Variante nömmt (nah den italieensch Schachmeester Serafino Dubois). Swaart verwacht sück dör disse Variante en dynamische Stellung. Sowohl 4.Sf3xe5?? (...Sc6xe5 5.f4xe5 Dd1-h4+) as ok 4.f4xe5 (...f5xe4 5.Sf3-g1 Sc6xe5) sünd good för Swaart. De Hööftvariante erfolgt mit 4.e4xf5 e4 5.Se5 Sf6.

Bi dat Symmetrische Gegengambit 2. … f7-f5? wiest sück mit 3. e4xf5 de Antreckensvördeel vun den Witten.

Literatur ännern